Saturday, 22 November 2014
Noticianan di Polis Print E-mail
Sunday, 25 August 2013 17:12
Comparti

korps aruba01

Turistanan cu a caba di yega, a pasa den experencia amargo

PALM BEACH—Central di Polis diabierna 00.43 ta bay na Divi Tamarijn na unda e guardia ta meldo cu un pareha turista a wordo atraca pa dos antisocial. Na yegada Polis a papia cu e victima M.M. naci na Italia di 30 aña, kende ta declara cu el a caba di yega di vacantie hunto cu su amiga L.N. naci na Italia di 23 aña.

E ta bisa cu ta prome biaha cu nan a bin akinan. E ta declara cu nan a caba di come na un restaurant y a bay cana riba beach. E ta bisa cu na un distancia pariba di e hotel, nan a ira dos homber sinta bou di un hut cu tabata huma sigaria. Nan no a sinti nan safe y a bolbe bay direccion di e lobby di e hotel. Pero mientras cu nan ta canando, nan ta sinti cu e hombernan ta cana nan tras. Dado momento un di nan a saca un arma di candela color di plata y a pidinan placa. M.M. a bisa cu nan no tin placa. E otro a listra den nan saco di carson y a bay cu nan cellular. Tambe nan a ranca e schoudertas di su amiga, y a nan core bay direccion panort. M.M. a mira un auto para na distancia. Na momento cu nan a bay controla hunto cu a guardia, nan a mira e auto bay. Nan ta sospecha cu e auto ta di e sospechosonan. Atraco Team a bin na e sitio y a tuma e investigacion.

 

Ladronnan ta kibra bentana di auto,pero no alogra bay cu nada

SABANA LIBER— Polis ta bay diabierna 06.10 na un cas na Sabana Liber paun ladronisia. Na e sitio e muhe Q, ta bisa cu e tin un auto KIA Rio, color maron A A-57434 .Segun su declaracion, dia 22 di augustus mas o menos 20.30, el a para su auto dilanti su cas y a sera e auto na yabi. Mainta . Na e momento ey, el a sera e portanan di e auto na yabi. Mainta banda di 05.55 el a tende un hende bati na porta y un persona a bin bise cu desconocinan a kibra un bentana di su auto. Ora cu el a bay controla su auto y a mira cu e glas di e porta patras robes tabata kibra. E ta bisa cu e ladronnan no a bay cu nada. Polis a tuma declaracion di e testigo.

 

Platji number di auto horta

SAN NICOLAS—E homber G.S. diabierna 07.15 a bay warda di Polis na San Nicolas pa duna keho di ladronisia di su platji di number di su auto A-30769. Segun su declaracion, ladronnan a bay cu e number for di su auto Kia optima. Keho a wordo tuma.

 

Ladronnan a purba drenta den cas, pero alarma a spanta nan

BOEGOEROEI—Presencia di polis a wordo pidi diabierna 02.25, na un cas na Boegoeroei pa un intento di ladronisia. Un muhe ta yama warda y ta bisa cu tin hende den su cura y nan ta ranca na su porta di cas, dor di esey e alarma a zona. Polisnan a topa cu e personal di a compania di seguridad na e stio , y nan a controla e cura, pero no a haya nada particular. Mientras cu Polisnan ta papia cu e hendenan di seguridad, e doño di e cas a bin acerca, y nan a pone na haltura. Tambe polis a papia cu e muhe T, kende ta declara cu e tabata den camber hunto cu su amiga y su yiu muhe, ora cu nan a tende un zonido panort di e cas. Ora cu nan a mira pafo, nan ta mira un homber riba nan tereno y un auto sedan color shinishi. Dor di esey nan a haya miedo. Hunto cu e casa, Polisnan a controla rond di e cas. Segun e casa a bisa cu e porta di e garashi tabata sera, pero awor e ta completamente habri. Te caminda e ta mira nan no a logra bay cu nada. T ta bisa cu no ta prome biaha cu desconocinan ta purba horta den su cas. Polisnan a bise pa drecha e sistema di seguridad di su cas pa evita ladronisia den futuro. Polisa tuma su keho y a mira den bisindario,pero no a topa cu nada.

 

Muhe ta drenta supermarket y bay cu Old Parr den tas

CUMANA—presencia di polis a wordo pidi diabierna 10.07,na un supermarket na Cumana pa un ladronisia. Eynan e doño F, ta bisa cu riba e video nan a mira con un muhe a drenta e supermarket y a coy un boter di Old Parr hinca den su schoudertas y salifor di e supermarket. Nan no por a mira mucho bon ki sorto di auto el a drenta. Un botter di Old Parr tin un balor di 67.50 florin. Polis a tuma su keho.

 

Por poco doño di auto a gara choler cu a kibra den su auto

DAKOTA—Presencia di Polis a wordo pidi diabierna 15.02,na Pacifico den Mandolinstraat pa un asistencia. Eynan Polis ta topa cu e muhe V, kende ta bisa cu dia 21 di augustus, el a duna keho na Joyriding Team, cu un choler yama Albert a kibra den su auto. E ta bisa cu diabierna el a mira e choler Albert banda di Pacifico, pero no tabatin chens pa tene y yama polis. Polisnan a controla den bisindario, pero no a mira Albert.

 

Atraco na un cas den Tumba

NOORD—Asistencia di polis a wordo pidi diabierna 16.08 na un cas na Tumba, na unda nan a tende tiro. Eynan e muhe V, ta bisa cu mas o menos 15.30, el a mira un jeep color cora, corepasa dilanti su cas na un manera sospechoso y dje tabatin un homber sinta. Segun e ta bisa cu e homber a keda mira den direccion di su cas. Tambe e casa di V.B, a papia cu Polisnan. V.M. a bisa cu e ta doño di e negoshi na e cas. El a declara cu un rato prome dos homber a drenta den e oficina. Tur dos homber no a bisa nada ora cu nan tabata paden. E hombernan tabatin arma di candela. Nan a coy e tas di V.M. y a cana bay pafo. Despues nan a drenta un jeep cora y a core pasa dilanti di e cas. Team di Atraco a bin na e sitio y nan a tuma e investigacion. Un rato despues informacion a drenta cu un tin un jeep cora para dilanti un cas na Nunje. Polisnan a bay pero a resulta cu e auto no ta den e caso. E investigacion ta sigui.

 

Den un rato di ora, tas ta disparce for di auto

PONTON—E muhe G,a bay warda di polis diabierna 22.10, pa duna keho di ladronisia for di su auto.. E ta bisa cu mas o menos 21.50 , el a para su auto dilanti su cas y a drenta paden un rato pa cambia paña. Ora cu el a bay bek na su auto, el a mira cu desconocinan a bay cu su tas cu su documentonan.

 

Keho di intent di ladronisia na scol

NOORD—E muhe F, diabierna 17.45 a bay warda di Noord y ta bisa polisnan cu e ta percura pa e scol St Anna na Noord. E ta bisa cu e directora di e scol a yame y a bise cu desconocinan a purba kita e kabelnan for di e split unit. Ora cu el a bay controla, el a nota cu esey ta e caso. Polis a tuma su keho.

 

Homber maltrata no kier intermediacion ni ayudo di ambulance\

SEROE BIENTO—Central a manda Polis diasabra 00.39,na un compleho di

Apartamento na Seroe Biento pa un intermediacion. Eynan e homber D.V. naci na Peru di 46 aña, ta bisa cu el a haya problema cu su bisiña V.L, naci na Santo Domingo di 64 aña, y cu e tabata mas cu un discusion. E ta sigui bisa cu ora cu el a bay su cas, un grupo di seis persona a drenta su cas y a maltrate. Segun su declaracion un di e grupo ta yiu di su bisiña V.L. Despues di e maltrato nan a bay for di e sitio. Polis a observa cu e tabatin sanger na su panja. Polis a puntr’e si e tin mester d ayudo di personal di Ambulance, pero e no tabata kier. Tampoco e tabata kier intermediacion. Polis a mustra riba su derechonan.

 

Homber cu a bebe di mas a keda deteni

ORANJESTAD— Polisnan di playa diasabra 01.30, durante patruya na haltura di e Kapel di Madiki, ta mira un homber drumi riba caminda for di conocemento. Ora cu polis a controle a resulta cu e ta bou di influencia di alcohol. Polis a purba lante, pero sin resultado. Cu ayudo di otro polis, nan a logra pone den dogcatcher y a hibe warda. Eynan el a keda sera pa buracheria y investigacion. Ta trata di e homber A.W. naci na Aruba di 39 aña.

 

Dos ruman ta bringa cu otro

ORANJESTAD—Ta drenta un yama da diasabra 05.43, na warda di polis y ta bisa cyu na haltura di Dura Home Center, tin un persona cu kier comete suicidio. Polisnan a bay pero no a topa cu nada. cu tin di haber cu suicidio, pero cu tabatin un pelea. Poli a papia cu e homber B, naci na CostaRica di 33 aña, a bisa polisnan cu su ruman homber ta obligu’e pa haci tur cos y ta menospreci’e y dor di esey nan a bringa cu otro. Un testigo ta bisa polisnan cu un amigo di B, a baha for di e auto y a cuminsa bringa cu e ruman homber di B. Polis a papia cu e dos rumannan y a bisanan pa nan bay cas pa sosega e curpa. Nan a wordo conseha pa busca un solucion pa nan problema ora cu nan ta bon.

 

Chofer ta core auto sin permit di DOPV

PALM BEACH—Diasabra 09.00, Central ta manda Polis na e strand di Amsterdam Manor pa asisti personal di DOPV, na unda a gara e homber E.J. naci na Arubna di 32 anja ta core taxi sin permit. Na e sitio Polis a papia cu e personal di DOPV, kende ta bisa cu nan a haya un informacion cu e auto Toyota Camry A-28440 ta transportando persona contra pago sin permit. E chofer E.J. ta bisa polisnan cu e no tin trabou y ta haci sey pa e haya algo. Polis a mustre si e kier core taxi, e mester di e permit necesario.

 

Ciclista cu basta rasca despues di accidente

SAVANETA—Polisnan a bay diasabra 13.40 na haltura di Lidia’s Kitchen pa un accidente cu herido naunda un ciclista a wordo gedal pa un auto, cu despues a core bay. E ciclista tabatin algun rasca na su pia y brasanan. Cu ambulance el a wordo transporta pa poli pa tratamento. E auto cu a wordo laga atras a wordo getakel hiba warda.

 

Ciclista a haya pica di abeha

PALM BEACH—Polisnan durante cunan tabata haci control riba difirente luga , nan ta mira auto di polis para hunto cu ambulance na un adres den L.G.Smith blvd. Ora cu polis a controla a resulta cu e ciclista E.D. tabata benta abou for di conocemento, dor cu el a wordo pica pa un abeha. Personal di ambulance a hibe poli pa tratamento.

 

Choller ta bay cu meubles for di cas

ORANJESTAD—Asistencia di polis a wordo pidi diasabra 19.19, na un cas den Zr. Cherubinestraat na unda tin un persona den cura di e cas. Eynan e habitante ta bisa polisnan cu el a topa cu e choler Banfield den su camber. Tambe e ta bisa cu Banfield a coy algun muebles. Relaciona cu esey, Banfield a keda deteni 13.30 y hiba warda di Playa. El a keda sera pa investigacion. E doño a bay duna keho .

 

Tres hoben ta pusha auto supuestamente horta

BUSHIRI—Asistencia di Polis a wordo pidi diasabra 18.12 na Bushiri na unda tin un auto Hyunday Atos color cora sospechoso cu e number A-29946. Na e sitio polis t amira dos mucha homber y un mucha muhe ta pusha un auto. Polis a puntra pa papelnan di e auto pa sa kende ta e doño. Un di e mucha hombernan yama B a bisa polisnan cu el a caba di cumpra e auto for di e mucha homber Randy cu ta biba na Paraguana y el a presta un number di auto for di un amigo , pero e no por a duna Polisnan ningun papel di e auto. Relaciona cu esey, Polis a deten’e dos mucha hombernany e mucha muhe, pa ladronisia y cumpra cos horta. E auto a keda confisca y hiba warda. E hobennan cu ta B.M. naci na Colombia di 18 aña, Y.T. naci na Aruba di 16 aña y J.M.M. naci na Colombia di 16 aña a wordo hiba warda pa otro patruya pa sigui cu e investigacion. Polis a papia cu e doño di e number di auto A-29946 cu a bisa cu el a duna keho di ladronisia di e number dia 31 di juli.

 

Muhe a spanta pa disimbijn

SAN NICOLAS—polisnan a baydiadomingo iadomingo 01.22, na un cas den Juana Mortostraat na unda nan tende un muhe ta grita. Ora cu Polis a controla nan ta topa cu un muhe, kende a bisa cu e tabata grita, como cu el a mira un lisinbijn hopi grandi y a spanta.

 

Polis ta intermedia den problema entre pareha

SEROE BIENTO—Central a manda Polisnan diadomingo 01.38, den bisindario di Well Well pa un pareha cu ta discuti cu otro y un a menasa e otro di basha likido flamabel riba dje. Polis a bay na e sitio y nan ta topa cu e homber V.A. naci na Corsow di 51 aña, kende ta bisa cu el a caba di haya un discusion cu su amiga y esey a termina den un pelea. Durante esaki, e homber a dal e muhe un wanta den su cara, y e muhe a rabia y a coy un cuchiu pe y tambe a menase di tira amoniak riba dje. Emuhe mes no tabata na e sitio. v.A. por a mustra Polisnan na unda nan mester bay cerca dje. Polisnan a bay hunto cu v.A. na Dakota na unda supuestamente su amiga a bay. Eynan Polisnan a topa cu e amiga L.R.R.K. y Polisnan a puntr’e si e tabatin problema. El a bisa cu e tabatin un discusion cu v.A. y el a dal’e un wanta den su cara, dor di cual el a reacciona asina. Polis a intermedia y cos a keda trankil. Polis a papia cu nan y a bisanan pa bay na e instancianan concerni si nan kier duna keho.

 

Homber maltrata pa un grupo di homber

TANKI LEENDERT—Diadomingo 04.04, Central ta manda Polis na Cas Casuela na Tanki Leendert pa un pelea. Eynan e homber A, naci na Aruba di 24 aña, ta bisa cu el a haya problema cu un grupo di homber na Cas Casuela. A ta bisa cu el a Sali pafo pa bay den su auto pa coy su cartera, y un homber descocnoci a dale cu e porta di e auto. Ora cu A. a mira cu e homber ta hunto cu otro hombernan, el a bay paden pa busca ayudo. Despues A. a sali hunto su prima V pafo. A start un pelea entre V naci na Aruba di 29 aña, y tres homber. V.a wordo maltrata dor di e hombernan, e tabatin difirente corta riba su cara. V. a nenga di haya ayudo di ambulance y tampoco e no kier duna keho di maltrato. Ora cu polis a yega e hombernan no tabata mas eynan.

Comparti
Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter