Friday, 28 November 2014
Noticia Policial Aruba Print E-mail
Friday, 23 August 2013 18:00
Comparti

korps aruba01

Muhe ta causa destruccion na cas  di su amigo
ORANJESTAD—E muhe K, di 29 aña, a bay diahuebs 01.50 warda di Polis  na Playa y ta haci denuncia di menase. E ta bisa polisnan cu el a haya problema cu e muhe L. Segun K, ta bisa cu el a bayna cas di un amigo na Santa Cruz, y di ripiente e muhe L, a bin na e cas y a kibra e porta dilanti cu un piedra y a drenta paden.

Paden el a cuminsa destrui tur cos. Pa evita problema, K, a bay na su auto. L., a bay su tras y a menas’e cu e lo maltrat’e y tambe cu e lo kibra su auto.

Asistencia pidi pa ruman homber drogadicto

ORANJESTAD—Polisnan a bay diahuebs 02.12  na un cas den Celciusstraat pa un ruman homber drogadicto. Eynan e muhe L.T,  ta bisa cu no ta prome biaha cu su ruman J.L. ta bin su cas y ta haci desorden y ta causa problema. E ta bisa cu diahuebs madruga su ruman a bin  cas y a bolbe haci desorden.  E muhe L.T. ta bisa cu e no kier pa su ruman homber bin mas na su cas y e mester bay bek na su cas na Pos Chikito.  Polis a papia cu e homber J.L.  a splik’e  e situacion y a manda for di e sitio. El a compronde y a bay for di e sitio.

Hortamento di tubonan di koper

SAN NICOLAS—Polisnan a bay diahuebs 02.47 na un cas na Seroe Colorado pa ladronisia di koper. Eynan e muhe R, ta bisa cu e no tin awa den su cas. Esaki a sosode ayera, despues cu ladronnan a bay cu  un pida tubo di koper di warerleiding. E ta bisa cu WEB a bini y a drecha e tubo, pero loke a pasa cu diahuebs tampoco e no tin awa. Polisnan a controla rond pero no a por a mira bon como cu e tubonan ta pasa den mondi. R a bisa cu el a yama WEB caba.

Boter di gas pafo di cura di cas a disparce

ORANJESTAD—Presencia di Polis a wordo pidi diahuebs mainta na un cas den Tunastraat pa un ladronisia.Eynan e habitante  N,  ta bisa cu ladronnan a bay cu su boter di gas. E boter ta para pafo di e muraya di e cura.

Ladronnan a kibra bentana di cresh

JABURIBARI—Presencia di Polis a wordo pidi diahuebs 07.00  na un cas den Jaburibari Park pa un destruccion. Eynan  e muhe B, kende ta bisa cu e ta traha na e sitio y ta declara cu desconocinan a kibra e bentana di cushina. E ta bisa cu e ta sera e luga tur atardi 6’or.  Mainta 6.30 el a haya e bentana kibra, pero nan no a bay cu nada.

Polisnan ta controla permit di bendedornan di alcohol

ORANJESTAD—Polisnan di Noord diahuebs 19.00 a  tene control relaciona cu permit di benta di bibida alcoholico den supermarket.  Polis a controla Heng Seng Supermarket, - Hong Win supermarket, - Super food y - U Convenience Store. E negoshinan a wordo poni na haltura di e ley seco cu ta wordo teni na september.

Destruccion di glas di auto

ORANJESTAD—E muhe L, a bay warda dii polis diahuebs mas o menos 08.10,  y ta duna keho di ladronisia den auto. E ta declara cu dia 21 di augustus el a pone su auto 22.00 dilanti su apartamento den Wilhelminastraat. El a bay drumi 24.00 y mainta ora cu el a lanta el a sali pafo y a mira cu e bentana patras di e auto tabata kibra. Na momento cu el a duna keho, e no por a mira kiconan a horta for di e auto.

Ladronnan a drenta den negoshi na parkietenbos

PARKIETENBOS—Presencia di polis a wordo pidi diahuebs 07.05  na Papcarton NV. pa un kiebro. Eynan e doño  V,  ta bisa cu desconocinan a kibra denta den e negoshi y a reboltia tur caminda.  E ta sospecha cu e ladronnan a bula over di e muraya pa drenta paden. Polis a tuma su keho.

Ladronnan ta drenta dor di bentana di WC

ORANJESTAD—Presencia di polis a wordo pidi diahuebs 10.05, na un negoshi den Caya Betico Croes pa un ladronisia. Eynan e homber S, ta bisa cu diaranson atardi el a sali di su negoshi y a lagu’e bon sera cu e alarma activa . Diahuebs mainta 10.05, ora cu el a bay na e negoshi pa traha, el a mira cu desconocinan a drenta den e luga. E ta pensa cu e ladronnan a drenta via di e bentana di wc. Segune ta bisa cunan a bay cu difirente articulo. E ta bay traha unlista di locual nan a bay cune.  Polis a  tuma su keho.

Trahado a keda retira pa desfalco y kier comete suicidio

PALM BEACH—Asistencia di Polis a wordo pidi diahuebs 13.45 na un restaurant na Palm Beach, na un trahado di e restaurant kier comete suicidio.Eynan e director di e restaurant, R.S. naci na Italia di 48 aña, ta bisa cu e trahado N.A. naci na Surnam di 44 aña,  kier comete suicidio, como cu el a wordo kita for di trabou.Segun declaracion di R.S. el a dicidi di kit’e for di trabou, como cu el a bis’e seis luna pasa cu el a perde su cheque y no por busca su sueldo na banco. R.S. e ora a dun’e un otro cheque, pa asina e por cobra su placa. Awe banco a yama R.S  y a bise cu N.A. a purba cobra e cheque cu a wordo perdi.  Mesora el a kita N.A. for di trabao. N.A. a bira histerico y a bis’e cu e ta bay mata su curpa. Tambe R.S. a bisa cu N.A. a bay den cushina y a coy un cuchiu y a bay for di e sitio. Polis a busca den bisindario,pero no a topa cun’e.

Mama ta duna polisnan bisicleta horta bek

BUSHIRI—Asistencia di Polis a wordo pidi na un cas na Bushiri, naunda un mama ta denuncia su yiu cu a bini cu un bisicleta cu e no sa di kende e ta. Eynan polis a papia cu e mama H, naci na Aruba di 53 aña, kende ta bisa cu su yiu homber O naci na Aruba di 17 aña, a bin cas cu un bisicleta pero e no sa di kende e ta. H a entrega Polisnan e bisicleta y nan a hib’e warda di Playa. Ta trata di un bisicleta marca Murray color blauw cu riem di 20 inch.

Homber haya morto na San Barbola

SAN BARBOLA—Presencia di polis a wordo pidi diahuebs 21.11 na un cas na san Barbola, naunda un señora a haya un homber drumi riba cama y no ta duna señal di bida. E ta declara cu el a haya un sakito cu substancia parecido na cocaina riba vlur banda di e cama. Polisnan a topa cu e homber Bosnie Glenn Hermanus naci na Aruba dia 7 di november 1950, sin señal di bida. Dr. Samuels a bin na e sitio y a constata morto 21:30 , El a constata cu e victima a muri di un morto no natural y e autoridadnan competente a wordo poni na haltura. Mas o menos 21.40 personal di Slachtofferhulp  y hunto cu C, nan a bay na cas di e mayornan di e victima. E curpa a wordo tuma den beslag y Aurora Funeral Home a transporta e curpa pa mortuario. E investigacion ta sigui.

Ladronnan ta kibra auto y bay cu placa

ORANJESTAD—E homber Z, a bai diahuebs  22.50, a bay bali na warda di Polis na Playa y ta haci denuncia di kiebro y ladronisia. E ta bisa cu el a para su auto 11.00 dilanti cas di su amigo y 22.00 ora cu el a bolbe el a mira cu e bentana di e porta patras tabata kibra. El a bay controla y a mira cunan a listra den e dashboard y nan a bay cu 50 florin.  Polis a tuma su keho.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter