Friday, 18 April 2014
Noticianan di Polis Print E-mail
Friday, 16 August 2013 15:31
DSC_2063
Ladron a kibra drenta den auto di compania

PARADERA---E homber F,a bay diahuebs mas o menos 04.55, warda di Polis pa duna keho di joyriding di su auto Hyunday Getz shinishi cla A-17989.

E ta declara cu e auto ta pertenece na un compania di seguridad. El a duna describcion di e auto y ta bisa cu e tin glas getint y tin daño na e bumper dilanti y tambe na e tapa di motor banda robes. Polis a tuma su keho.

Ofecina ta haya bishita di ladron

WAYACA—Asistencia di Polis a wordo pidi diahuebs 06.00 na e oficina ISA na Wayaca pa un ladronisia. Eynan e guardia y e directora administrativo di e luga ta bisa polisnan cu desconocinan a drenta den e edificio y a kibra algun porta. Nan a bay cu un laptop . Polis a tuma su keho.

Choler ta cana drenta den cura di hende

ORANJESTAD—Un pareha diahuebs 11.47 a pidi presencia di Polis den Byronstraat pa un homber sospechoso. Na e casne muhe A ta declara a cu el a mira un choller cana den su cura. Na yegada di Polis nan a controla e tereno, hunto cu e pareha. Polisnan no a mira nada y tur cos tabata entacto. E pareha a keda contento. Polis a pone Central na haltura.

Ladronisia di tubonan di koper ta sigui

SAN NICOLAS—Asistencia di Polis a wordo pidi diahuebs 05.25, na un cas den Dr. Schaepmanstraat pa un ladronisia. Eynan e muhe T, ta bida cu ladronnan a kita un pida tubo di koper di e conexion di awa. Polis a tuma e keho.

Yiu homber adicto na droga ta molestia su mama

ORANSTAD—Presencia di polis a wordo pidi diahuebs 07.18, na un cas den Santa Helenastraat na unda un mama tin problema cu su yiu homber adicto. Eynan e muhe M, naci na Colombia di 48 aña, ta bisa cu su yiu homber V, ta naci na Colombia di 23 aña, no ta respete y nan tabatin un `discusion. E motibo di e problema ta como cu e yiu ta un usado di droga y ta adicto. Dor di esey e ta bira agresivo hopi lihe. Polis a intermedia entre e mama y su yiu homber y cos a keda trankil.

Kiebro den auto na Madiki

MADIKI—Polisnan ta bay diahuebs 07.18, na un cas na Madiki pa un kiebro den un auto. Eynan e homber C, naci na Aruba di 42 aña, ta bisa cu desconocinan a kibra den su auto. E ta bisa cu el a tuma luga entre 02.00 y 07.15 di mainta.

Ladronnan ta sigui ranca tubonan di koper

SAN NICOLAS—Asistencia di polis a wordo pidi diahuebs 07.19, na un cas den Nijhoffstraat pa un ladronisia di tubo di koper. Eynan e habitante ta bisa polis cu desconocinan a kita 4 meter di tubo di koper. Na cas di e bisiña di e cas number 54 tambe nan a bay cu pida tubo. Tambe ladronnan a bay na un otro cas den Nijhoffstraat naunda nan a purba horta tubo di koper, pero no a logra, pero si nan a causa destruccion na instalacion di awa. Polis a tuma e kehonan.

Muhe ta sospecha cu ta su ex a kibra slot di porta

ORANJESTAD—Presencia di polis a wordo pidi diahuebs 08.25, na un cas den Galileistraat pa un kiebro. Eyan e muhe W. ta bisa cu e ta doño di e cas y kier duna keho di intento di ladronisia.Segun su declaracion, dia 12 di augustus 19.00, el a laga e porta patras na yabi y entacto. Mas o menos 04.00, el a tende un zonido, manera cu e porta a sera. El a bay controla e porta mainta 06.30, y a mira cu e slot di e porta patrmuhas no tabata sera. E porta di patras tambe tabata kibra na haltura di e slot. E ta bisa Polisnan cu e ta sospecha cu ta su ex partner a haci’e pa por drenta paden.

Muhe a keda traumatisa cu nan a yame hacido di bruha

ORANJESTAD—E muhe M naci na Santo Domingo di 53 aña, a bay warda di polis diahuebs 10.25, pa pone polisnan na haltura di locual a pasa cune. E ta bisa cu e tin un amiga yama T, ende ta cana conta cu e ta haci do di bruha, locual su declaracion no ta berdad.E ta bisa polisnan cu e dia encuestion, T, tabata cu un otro muhe dilanti su cas y a mustra cu su dede den su direccion. M, ta bisa Polisnan cu e no sa kico ta su intencion. M., no ta sinti su mes confortabel y a warda pa pone Polisnan na haltura. Polisnan a calma M.

Homber a bira basta malo na Restaurant

PALM BEACH—Polisnan diahuebs 19.20, durante patruya na haltura di Barney’s Restaurant, na Palm Beach, nan ta wordo para pa algun persona, kende ta bisanan cu tin un homber cu a bira malo. Mesora nan a bay na e sitio y ta topa cu ehomber E.C.naci na Aruba di 59 aña, sinta abou. Na prome instante nan a mira cu e homber no tabatin polsslag ni tampoco tabata hala rosea. Polisnan a yama ambulance cu urgencia y a cuminsa duna e victima CPR. Tambe nan apidi un persona pa bay na Salt & Pepper, pa busca un AED machine (defibrillator). Wardando riba e personal di ambulance, Polisnan a haci uso di e AED machine y tambe CPR. Na yegada di ambulance, e perssonal a sigui cu e CPR y a transporta E.C. pa poli pa tratamento. Segun e famianan a duna di conoce, cu EC awor ta den Cuido Intensivo y su situacion ta stabiel.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter