Wednesday, 01 October 2014
Noticianan di Polis Print E-mail
Monday, 12 August 2013 22:08

korps aruba01

Polis a bay atende pa un pelea

NOORD – Central ta manda patruya policial na Olde Molen pa un pelea y tiramento. Na sitio e security ta declara cu na dicho luga tabatin pelea entre un muhe cu un homber. Pero ya nan a bandona e sitio.


Ex amigo kier a pasa auto riba e muhe

WASHINGTON – Diadomingo pa 6or mainta patruya policial ta ser manda pa Central na Washington en conexion cu ex amigo ta molestia e muhe. Na e sitio e ex amigo F.W. naci na Aruba, maart 1965 a bandona e sitio cu su auto. Polis ta papia cu e muhe R.K. naci na Aruba, october 1964 ken ta declara cu su ex amigo a bin na su cas y tabata echt fastioso. Tambe el a dal su auto, su auto a ricibi daño na e bumper dilanti na banda robes y e luz banda robes. Segun R.K. el a entrega varios denuncia na recherche pa e problema entre su ex amigo. El a keda di pasa dialuna pa duna declaracion na recherche. Ya cu e ex amigo kier a pasa auto riba dje. F.W. ta core den un auto Ford Focus blanco. Number di auto ta desconoci.


Desconoci a spuit graffiti riba graf

SABANA BASORA - Diadomingo mainta pa 11.32 Central ta manda patruya policial pa santana di Sabana Basora pa vandalismo. Na sitio un muhe Q. ta declara cu desconoci a spuit graf di su mama preto. Tambe tabata tin un graffiti di strea hudiu. Polis a tuma nota cu tabatin 12 otro graf nan pinta.


Muhe ta bay trabou dos biaha causa problema

NOORD – Diadomingo merdia pa 1or na warda di polis a yega e muhe M.H. naci na Aruba, april 1981 pa pidi intermediacion paso e muhe M.W.Z. naci na Aruba, october 1959 ta acus’e di tin un relacion cu su homber M.W. naci na Aruba, augustus 1964 Segun M.H. esaki no ta berdad, pero e muhe M.W.Z. a bay dos biaha na su trabou caus’e problema.


Diadomingo mainta el a bay na M.W.Z. su cas na Jaburibari pa papia. Esaki a bay sin resultado. E yiu muhe di M.W.Z. naci na Aruba, maart 1984 lo kier a kibra su bentana di auto.

Polis a bay na e cas na Jaburibari pa scucha storia di otro banda di medaya. Na sitio ta papia cu e muhe M.W.Z. ken ta declara cu e dia prome su casa e homber M.W. y e muhe M.H. lo tin un relacion a bin su cas na Jaburibari y cuminsa grita. E yiu muhe di M.W.Z. e hoben M.W. tabata para dilanti cas. E muhe M.H. tabata na stuur y 3 biaha a tira auto riba dje. Aki nan ambos a Sali levemente herida. Segun M.W.Z. nan a bay Eerste Hulp y a haya un rapport di dokter ken lo bay recherche cune pa entrega denuncia contra di e muhe M.H. y keho contra su mesun casa M.W.

Polis no por a haci mucho ya cu e contra partido no tabata na e sitio. Si a inform’e e muhe riba su derecho nan. A recupera e trankilidad pa un tempo.


Security a evita pa Patan kibra drenta negoshi

ORANJESTAD – Diadomingo merdia pa 1.30 Central ta manda patruya policial na Caya Betico Croes pa un choller cu ta purba kibra pa drenta Dufry. Na sitio polis ta papia cu e security ken ta declara cu e evita cu e conocido choller “Patan” no kibra den e luga. Polis a controla e edificio tabata intacto.


Muhe drumi na suela a resulta di ta ilegal na Aruba

SAN NICOLAS – Diadomingo den careda di 2or di atardi Central ta dirigi patruya policial na altura di “Iglesia Seed of Life” den Bernhardstraat pa un muhe drumi na suela. Na sitio polis ta en contra un muhe drumi na suela. E muhe M.T.G. naci na Colombia 10 december 1975 ta papia cu lenga pisa, su wowo nan tabata cora y su rosea ta hole alcohol fuerte. M.T.G. no tabata sigur di su adres y tampoco por a mustra polis su permiso di estadia na Aruba. El a ser hiba na warda di polis pa por contact su famia pa trece su documento nan. A controla na e departamento di Polis di frontera y aki a saca afo cu dia 10 december 2011 el a drenta Aruba como turista riba e buelo di Avianca Airline. Pa 3.15 el a ser deteni pa ilegal. 3.45 a transporta M.T.G. pa IASA pa mas investigacion.


Ladronnan a horta tas, yabi y auto

NOORD – Diadomingo atardi pa 3’or na warda di polis a yega e muhe N. pa entrega keho di joyriding. El a declara cu diasabra anochi na Upstairs desconoci a horta su cartera. Den e tas tabatin su yabi auto y yabi cas. Y tambe su documento nan. Ora el a bay wak pafo el a wak cu nan a bay cu e auto. El a yama polis pero segun e muhe nunca polis a yega. Diadomingo el a bolbe yama y central a bis’e pa e bin warda. E auto ta un Chevrolet Corsa shinishi A-29833.


Doño di cas ta di biahe y ladronnan ta haci fiesta

SAVANETA – Diadomingo atardi pa 4’or Central ta dirigi patruya policial na un cas na Savaneta pa kiebro. Desconoci nan kibra e porta, drenta paden y a bay cu algun articulo for di e cas. Tambe nan a bay cu e auto A-22819. E doño nan di cas ta for di Aruba.


Shakira cu Doff a pleita

ORANJESTAD – Diadomingo 7’or Central ta manda polis na Maria Christina straat pa un pelea. Na sitio a papia cu habitante nan y ta declara cu nan a wak e choller. E choller homber tabatin paña di hende muhe bisti. Nan a bay controla paso y a wak e choller Shakira na e cas di gobernador. E choller ta declara cu e tin problema cu su amigo Doff, cu Doff a maltrat’e. Polis a core Shakira for di e sitio.


Doño di auto ta bin haya su auto horta despues di 4 luna

PALM BEACH – Diadomingo 10.35 Central ta manda patruya policial na Palm Beach Plaza pa un melding cu doño di auto lo a haya su auto horta. E doño di auto ta para na sitio. E auto ta entre 6 pa 14 april 2013 horta for di parkingplaat di Rui Palace unda e doño di traha.

E doño di e auto e homber N. no a entrega un keho oficial. Na sitio esaki a wordo haci. E doño a conoce su auto na diferente caminda. E tabatin potret di aña pasa. Polis a wak e diferente caminda riba e auto. E number di auto no tabata di dje. Su number di auto cu ta pertenece na dje ta A-52582.

E Toyota Tercel blanco A-39729 a ser transporta pa Papito Towing na warda di polis Santa Cruz pa mas investigacion.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter