Tuesday, 21 October 2014
Noticianan di Polis Print E-mail
Wednesday, 03 July 2013 19:30

korps aruba01

Durante accion preventivo, polis ta detene tres homber sospechoso

ORANJESTAD—Polisnan di Oranjestad, diamars 00.15, durante cunan tabata den e accion preventivo den Budweiser Bar, nan ta mira tres homber sinta na mesa na un manera sospechoso y listra nan. Polisna a haya dos saco di sandwich den cual tabatin substancia y hierba parecicdo na mariwana y cocaina.

Polis a detene tur tres homber cu ta T.K naci na Corsow di 60 aña, y J.K naci na Aruba di 20 aña y TK. Jr, naci na Santo Domingo di 20 aña, a keda deteni pa sospecho di posicion di droga. Tur tres a wordo hiba warda di Playa y despues transporta pa Shaba, naunda nan a keda sera pa investigacion.


Ladronnan ta horta tire di spare di auto di turista

PALM BEACH—asistencia di Polis a wordo pidi diamars 08.30, na un highrise hotel pa un ladronisia riba un auto. Eynan e homber J.C.L. naci na Colombia di 33 aña, a bisa cu un dia prome 20.00 el a pone e auto den e luga di parker y mainta 08.30 ora cu el a bay controla, el a mira cu ladronnan a bay cu e tire di spare di e auto.


Chofer cu a kibra un but a haya dos

ORANJESTAD—Durante polisnan motorisa ta riba patruya, nan ta para e chofer J.W> J.W. naci na Santo Domingo di 27 aña y ta dune but ,debi cu su number di auto no ta paga. E homber a tuma e papel y a kibre bente abou. E ora polisnan a dune un otro but pa susha caminda publico.


Basta bril a disparce for di optica

SAN NICOLAS— Polisnan ta wordo manda diamars 09.30, na un optica den Helfrichstraat pa un ladronisia. Eynan polisnan a constata cu ladronnan a manda un piedra pase dor di e vitrina y logra bay cu un cantidad di 69 bril. Polis a tuma e keho.


Saconan di plastic di contratista ta bula den laman

MONTAÑA—Durante cu polisnan tabata riba patruya diamars 14.30, e homber J, ta paranan y ta bisa cu tur dia e ta baha su Jetski na awa banda di Baranca Plat y e tin hopi problema cu saco di plastic cu ta bin for di e hotel den construccion. Polisnan a bay na e hotel y a papia cu e muhe A, kende ta bisa cu e ta bay atende e asunto. Segun A bisa cu ya den pasado el a bisa e contratistanan caba pa nan laga nan luga di trabou limpi. Pero e lo bolbe recorda nan.


Jamaikino ta bisa cu e ta “bad man” y ta menasa

NOORD—Polisnan di Noord, durante patruya diamars 13.50, ta wordo acerca pa un guardia muhe cu ta traha na un highrise hotel y e ta bisa cu e ta encarga pa cuida e parkinglot di e hotel. Segun su declaracion, dia 28 di juni, el a bay papia cu un homber, cu el a para su auto dilanti e lobby. El a bisa e homber pa kita e auto, como cu e ta stroba e busnan. E homber a rabia y a bira onbeschoft contra dje, y a bisa e guardia cu un “bad man” y e tin un pistol cu e lo bay busca na cas. E ta bisa cu e homber ta papia Ingles y ta di origen Jamaikino. Segun e guardia e ta homber ta entre 27 pa 30 aña. Polis a tuma nota.


Señora ta perde balansa y ta cay kap cabes

DE VUYST—Presencia di polis a wordo pidi diamars 16.30, na un cas na De Vuyst naunda un señora a cay y a kap su cabes. Eynan Polis ta topa cu e muhe J.G. naci na Venezuela di 69 aña, riba vlur den un plas di sanger. E tabatin un kap patras di su cabes. E bisiña E.S. naci na Santo Domingo di 65 aña a bisa Polis cu el a tende J.G. yora y a bay mira y a hay’e riba vlur y a yama polis. J.G. ta bisa cu el a sali for di su camber pa bay den baño, ora cu el a perde balans y a cay. Personal di ambulance a bin na e sitio y a trata e herida, despues a hib’e poli pa observacion.


Problema entre mama y yiu

SABANA BASORA – Asistencia di Polisa wordo pidi diamars 18.45 na un cas na Sabana Basora pa un yiu homber rebelde. Na e cas e muhe C, naci na Santo Domingo di 61 aña, ta bisa cu el a pleita cu su yiu homber, como cu e yiu no kier a yud’e pa hiba un kashi ariba na di dos piso. C ta bisa Polis cu e yiu homber no kier yuda cu nada den cas. Polis a papia cu B, di 26 aña naci na Aruba y e ta bisa cu ta su mama ta esun problematico. B a bisa polis cu e ta bay busca un trabou, pa asina e por bay biba otro caminda. B a declara cu e ta trankil y no kier pleito mas cu su mama.


Auto horta na stadion

SHABA—Emuhe T, a bay diamars 22.10, bay warda di polis na Shaba pa duna keho di ladronisia di su auto. E ta bisa cu el a staciona su auto riba e luga di parker di stadion Frans Figaroa banda di 20.10. Mas o menos 22.00, ora cu el a sali, el a mira cu e auto no tabata eynan. Durante cu Polisnan tabata tuma keho, un famia a yam’e y a bis’e cu nan a haya e auto para den bisindario di Sasha Oasis.


Destruccion na auto di huur di turista

PALM BEACH— Presencia di Polis a wordo pidi diamars 23.00, na un highrise hotel pa un destruccion. Eynan e homber J.S. ta bisa cu ela para su auto 17.30 riba e luga di parker di e hotel y 20.00 el a mira cu ladronnan a kibra e windshield di e auto..


Chofer no tin permit pa transporta turista

NOORD—Polisnan di Strand ta wordo manda diamars 23.00, den e bisindario di Holliday Inn Resort, naunda tin un golfcart ta transporta turista sin permiso, for di un hotel pa otro. Segun e informacion cu polisnan a haya nan a bay controla den bisindario di e highrise hotelnan. Na haltura di DiviP Phoenix, nan ta topa cu un golfcart blanco di e marca Yamaha model Shuttle cu e number A-27733. Polisnan a para e chofer y a puntre si e tin e documentonan legal di e auto. El a duna Polisnan su seguro, papel di number di e aña 2013. Ela declara cu e no tin e permit necesario pa transporta turista,como cu e ta transporta e hendenan pornada y segun e ta pensa cu no tin mester di permit pa transporta hende gratis. El a bisa Polis cu den oranan di mainta caba el a haya problema cu e muhe B kende ta personal di DOPV, Polisnan a yama Central y a bisa loke ta pasando. C.P. a duna e Polisnan ordo pa confisca e auto y entrega e investigacion na personal di DOPV. Tambe Central a bisa cu e auto no ta den posicion di un permit valido pa transporta turista. Polisnan a splica A.M naci na Aruba di 41 aña, cu e tin cu busca un permit via e proceduranan normal y a pone na haltura cu DOPV a confisca e auto. A.M a bisa Polisnan cu e ta transporta e turistanan gratis y segun su opinion ,e no mester di permit. Takelwagen a hiba e auto garashi di Polis.

Comentarionan (1)Add Comment
tino donato
July 04, 2013
201.229.59.164
Votes: +0
...

Bon Trabao! 5 Strea ta poco! Ainda tin mas pa bin, tene duro!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter