Monday, 01 September 2014
Noticianan di Polis Print E-mail
Monday, 24 June 2013 20:13

korps aruba01

Dos choler ta ataca peaton madruga

ORANJESTAD—E homber C. naci na Filipinas di 53 aña, a bay diadomingo 00.05, warda di Polis na Playa y ta bisa polisnan cu el a caba di wordo atraca pa dos choler. Segun su declaracion cu 23.15, el a baha for di bus na e parada di bus grandi y a cana direccion panort pa e bay Madiki.

Ora cu el a yega den Avenida Alo Tromp, na haltura di Cas di Partido AVP, dos homber a acerke. Uno tabata riba bisicleta y e otro na pia. Esun riba bisicleta a pidie un florin. C, a bisa e homber cu e no tin. E otro homber cu tabata na pia a bay para su tras y a dal’e dos biaha den su cara . Esun riba bisicleta a bisa C pa e duna esun na pia su cartera, como cu e tin un arma di candela cun’e y por tir’e. C. a dune e homber su cartera y e homber a saca 5 florin afo y a dal’e bek cu e cartera den su cara. Despues e dos hombernan a cana bay. C, a bisa cu el a spanta masha hopi y a cana bay warda di Polis pa duna su declaracion. E ta bisa cu e conoce e homber riba bisicleta como un choler pero no ta corda su nomber. E sa cu tur ora e ta na haltura di 24 store den Royal Plaza. El a duna describcion di esun na pia, cu ta color scur y cabey cortico. C a bisa si e mira e homber un biaha mas e lo reconoc’e. C. lo bay prome poli pa control y despues dialuna e ta bay warda di Recherche pa duna keho.

Ladronnan ta horta auto

SAN NICOLAS—E homber C, diadomingo 01.13, a bay warda di Polis na San Nicolas pa duna keho di ladronisia di su auto Toyota Corolla color maron A-46079. E ta bisa cu e auto tin solamente e glasnan patras ta getint y riba e winshield dilanti e tin un sticker di AVP. C, a declara cu den e auto e tabatin su cartera , den cual tin su rijbewijs, carchi di identifiacion, y AZV, ATm di RBC, y tambe carchi di bus. Polis a tuma su keho.

Pareha ta discuti y causa destruccion

ORANJESTAD—Polisnan di Oranjestad a bay diadomingo 03.42, na un cas den Wabistraat, pa un problema entre pareha. Eynan e muhe K, naci na Colombia di 30 aña, a bisa cu e tabata den un bar restaurant cu algun amiga, pero prome cu esey, el a haya problema cu su amigo J naci na Corsow di 48 aña. E ta bisa cu ora cu e tabata den e bar, J a cana drenta y a bis’e pa e bay cas. K, no tabata kier a bay cas y a start un discusion. K, a bisa cu e no kier tin problema den e bar y a dicidi di bay cas cu J. pero cos a bira peor ora cu nan a yega cas. K, a dal J, cu su hilchi di sapato den su frenta. Esey a pone J. a bira raso y a manda K cu un stul cu a dal den e porta y a kibra e glas. K. no kier duna keho, pero e kier pa Polisnan hibe na cas di su amiga. Polisnan a intermedia te na unda nan tabata por y a hiba K. cerca su amiga.

Polis ta detene hoben burachi y onbeschot

PALM BEACH—Polisnan di Noord diadomingo 03.25,durante, patruya den e bisindario di Hotzone y e highrise hotelnan a pasa banda di un grupo di hoben, y un di e muchanan a puntranan na un manera onbeschoft “ Kico boso a wak”. Polisnan a para y a puntra e hoben kico ta e problema. El no a haci caso di e Polisnan ya sigui cana. Polis a hala su atencion ya mustre riba e manera cu el a trata cu polis pero nan a lague sigui cana cusu amigonan. E mucha homber a cuminsa zundra polisnan a keda deten’e pa insulta polis. El a sigui zundra y plega y hasta insulta mama di e polisnan. El a menasa e polisnan cu e ta percura pa nan perde nan trabou. E no kier a coopera cu su detencion y a sigui haci onbeschoft. Na warda el a cuminsa ranca y trek den tur direccion, pero tabata facil pa polisnan domin’e y hib’e paden. Durante cu e tabata wordo presenta dilanti Fiscal Axiliar, e tabata papia palabra menos bunita contra e Fiscal Auxiliar y e otro Polisnan. El a keda sera pa buracheria. Ta trata di e hoben L.F. naci na Colombia di 19 aña.

Ladronisia di sorsaca na Boegoeroei

BOEGOEROEI—Presencia di polis a wordo pidi diadomingo 09.15, na un cas na Boegoeroei pa un ladronisia. Eynan e muhe H, ta bisa cu mainta el a bay controla su sorsacanan y a mira cu un taki di e palo tabata kibra. El a haya straño como cu na e taki tabatin cuatro sorsaca. Ora cu el a bay controla tabatin uno sorsaca so. E ta bisa Polis cu e ta haya falta ainda di cuatro of cinco sorsaca. Polis a tuma su keho.

Polis ta intermedia entre problema den bisiña

NOORD—Polisnan ta bay diadomingo 11.49, na un cas den Gielstraat pa un ladronisia cu resulta di ta despues problema den bisiña cu ta tilde otro di ladron. Eynan muhe R, a bisa cu su bisiña ta bise cu el a horta un camisa di dje. E bisiña G, ta bisa Polis cu R, ta culp’e cu el a horta su celular y a bisa si G, no stop di culp’e, e lo bati e. Polisnan a intermedia entre tur dos partido y a bisanan pa duna keho na Recherche di nan ta sinti nan mes menasa.. Mas prome den dia, e muhe S, a bay warda di Polis pa duna keho di ladronisia di su celular.E ta bisa cu desconoci dor di su celular horta, a manda mensahe pa su amiga di menasa contra su bida y di su yiunan. Polisnan a bis’e pa siguiente dia e pasa duna keho na Recherche.

Polis no por a comunica cu homber sordomudo burachi

ORANJESTAD—Presencia di polis a wordo pidi diadomingo 10.30, na haltura di un nightclub den Caya Betico Croes, na unda homber cu ta core bula dilanti autonan cu ta pasando. Eyna Polis a topa cu e homber. Un homber na e sitio a Polisnan cu e homber a bula dilanti su auto y kier a bula dilanti un otro auto. E homber ta burachi y no por para riba su pianan. Ademas e ta sordomudo y polisnan no por a comunica cune. Polisnan a hib’e warda naunda nan a sere pa buracheria.

Hobennan a horta celular for di bahul

ZEEWIJK—Polisnan ta bay a un asistencia diadomingo 21.40, na Zeewijk, na haltura di e ex strand Surfing Bananas, pa un ladronisia. Eynan e homber M, ta bisa cu un rato prome, un grupo di cinco mucha homber tabata na e sitio. E ta bisa cunan a coy un baki for di su bahul, den cual tabatin dos celular. Despues nan a core bay direccion pabou. Polis a tuma su keho y a controla den bisindario pero no a topa cu e grupo.

Bateria ta disparce for di auto

ORANJESTAD—Presencia di polis a wordo pidi diadomingo 12.45, na pariba di Censo pa un ladronisia. Eynan e muhe N, ta bisa polis cu 10.30, el a para su auto un Suzuki Jimmy cora pariba di e luga den Wilhelminastraat y a laga su auto bon sera na yabi y entacto. Ora cu el a bolbe e auto no tabata kier a start. Ora cu ela bay controla a resulta cu ladronnan a bay cu su bateria.

Auto horta haya na Veld di Heineken

SAN NICOLAS—Polis di San Nicolas a bay diadomingo 14.33, na Veld di Heineken pa un auto horta cu a wordo laga atras. Eynan Polis ta topa cu e auto Toyota Corolla maron A-46079. Desconocinan a horta e radio for di e auto. Polisnan a hiba e auto warda di Polis na Santa Cruz pa investigacion.

Mas ladronisia di auto

SHABA—E homber D, a bay warda di Shaba diadomingo 14.00, pa duna keho di ladronisia di su auto Nissan Sentra V-5069. E ta bisa cu el a para su auto na Kudawecha 2’or di madruga y 14.00 , el a mira cu e auto no tabata mas eynan.

Mucha muhe maltrata pa un coach

ORANJESTAD—Presencia di polis a wordo pidi diadomingo 19.32, na stadion Guillermo Prospero Trinidad na unda un mucha muhe menor di edad a wordo maltrata pa su coach. Eynan Polis ta topa cu mucha muhe J.Q, naci na Aruba di 16 aña, kende tabatin un corta na su nek cu tabata sangra. El a bisa cu e tabatin un discusion cu su coach T.N. E ta bisa cu T.N. a cohe choca y despues a dal su cabes contra e windshield di un Hyunday Getz. Tambe T.N. a cuminsa scop’e y e mayoria di e scopnan el a haya den su bariga. Despues el a subi den un Mitsubishi y a bay for di e sitio. Ambulance a bin na e sitio pa hiba J.Q poli pa tratamento. Tabatin varios testigo na e sitio cu tabata dispuesto pa duna nan declaracion. TOD y Recherche tambe a bin na e sitio.

Homber a bay duna declaracion na warda di San Nicolas

SAN NICOLAS—E homber M.N. naci na Aruba di 37 aña, diadomingo 19.55, a bay warda di San Nicolas pa duna un declaracion di locual cu a pasa. E ta bisa Polisnan cu e tabata na un wega di futbol y e mucha muhe J.Q, a dale un klap duro den su cara. M.N. a bisa J.Q cu e mester stop y J.Q. a contest’e cu e mester laga su amiga hunga. Segun declaracion di MN., J.Q a bolbe purba di dal’e, pero el a push’e. E kier a pone polisnan na haltura.

Cas na Pos Chikito a haya bishita di ladron

POS CHIKITO—Presencia di polis a wordo pidi diadomingo 20.15, na un cas na Pos Chikito, pa un ladronisia. Eynan e habitante Odie, ta bisa cu desconocinan a kibra drenta den su cas. E ta bisa cu nan a bay cu dos television flat screen, un Playstation 2, un Nintendo wii, un aparato nobo di feita, su cartera, joyas y holoshi. Polis atuma su keho.

Turista a laga cartera riba strand y el a disparce

PALM BEACH—Polisnan di Strand a bay diadomingo 17,20, na un highrise hotel pa un ladronisia di un cartera. Na e sitio e homber C, naci na Estados Unidos di 54 aña, ta bisa cu atardi 15.30, el a bay banda di laman pa cumpra bibida. El ta bisa cu despues el a bay cerca su casa cu tabata drumi bou di un palapa. El a laga su cartera banda di s casa y a bay landa. Un rato despues ora cu el a bolbe, el a mira cu su cartera no abata mas na unda el a lague, Den e cartera e tabatin un carchi American Express gold card, 1 debet Walswolfer card, 1 Amerikaanse rijbewijs, dos biyete di 100 dollar y dos di 10 dollar. Polis a tuma su keho.

Habitante ta mira ladron ta kita piesanan di su auto

PRIMAVERA—Presencia di polis a wordo pidi diadomingo 21.25 na un cas na Primavera pa un ladronisia. Na e sitio e habitante K, ta bisa polisnan cu un homber desconoci tabata kitando piesanan di su auto y a bay cunan. E ta bisa cu e homber ta core den un Hyunday Tiburon preto. Polis a registra e keho.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter