Wednesday, 01 October 2014
Noticianan di Polis Print E-mail
Sunday, 23 June 2013 23:31

korps aruba01

Homber desconoci riba dak

ORANJESTAD--Asistencia di polis a wordo pidi diabierna 02.11, na un cas den Hubadastraat pa un persona sospechoso. Eynan e habitante J, a bisa polis cu e ta sospecha cu tin un hende ta cana riba su dak di cas. Polisnan a controla rond di e cas pero no a mira nada particular.

Homber burachi no por yega su cas

ORANJESTAD--Polisnan ta haya informacion diabierna 02.19,cu den De la Sallestraat, na haltura di Watergate, tin hende drumi riba vlur. Eynan polis ta topa cu un persona drumi riba vlur y e ta bisa ta biba na Soledad y no tin auto pa e yega cas. Polisnan a hib'e su cas.

Mama ta bay cerca su yiu muhe pa e drumi trankil

PALM BEACH--Polisnan ta bay diabierna 02.30,na un cas na Palm Beach, naunda e habitante I.G, naci na Aruba di 58 aña, ta bisa cu su yiu homber ta molesti'e y ta strobe di drumi. Na e caso polisnan a haya e yiu homber N.G. naci na Aruba di 27 aña, ainda na cas y tabata bastante rustig.E mama a bay for di cas. E yiu homber a bisa polis cu tabatin problema tocante su yiunan y su ex amiga. Polis a nota cu N.G, a bebe alcohol. Cu su permit polis a drenta mira den e cas y a mira cu na e momento ey tabatin difirente cos benta riba vlur. Ta parce cu un hende rabia a destrui algun cos, pero tur ta pertenece na N.G. Polisnan a yama e mama y a puntr'e pa e bin pa papia cu rato. Ora cu el a yega cas, e ta bisa emocionalmente cu e no por mas cu e comportacion di su yiu cu no ta lague drumi cu su mal beis relaciona cu asunto di su yiunan. Pa su trankilidad e mama a dicidi di bay na cas di su yiu muhe. E yiu homber a keda trankil y a drenta den cas .E mama a bay na cas di su yiu muhe cu ta biba na Santa Cruz pa bay drumi.

Dos persona sinta den auto na manera sospechoso

ORANJESTAD--Polisnan di Oranjestad diabierna 03.30, durante patruya den Caya Betico Croes ta mira un auto sospechoso. Na yegada polisnan a topa cu un auto para den un pida mondi pasuit di Otis. Polisnan a mira cu den e auto, tabatin dos homber sinta na pasahero. Manera cu nan a mira polis, un a bula sinta tras di stuur. Polis a papia cu tur dos e hombernan cu ta S. di 29 aña y L. di 16 aña, relaciona cu nan comportacion y a core cunan for di e sitio.

Polis ta kita muhe burachi for di caminda

ORANJESTAD-- Polis durante patruya diabierna 05.39,den Prof.Lorentszstraat, ta mira un mucha muhe burachi ta cana. Polis a miracu e tafuertemente bou di influencia di alcohol y a hie warda pa nan haya sa su adres.Na warda el a bisa cu e yama N, y polisnan a haya su adres y a duna un lift pa su cas.

Cas habri a habri wowo di ladronnan

TANKI LEENDERT--PResencia di polis a wordo pidi dabierna 07.45 na un cas na Tanki Leendert pa un ladronisia. Eynan polis ta papia cu e homber F, cu kier duna keho di ladronisia. E ta bisa cu un dia prome el a bay drumi 20.00 y lanta te mainta 06.00 .Ora cu el a lanta el a mira cu desconocinan a drenta su cas y a bay cu difirente articulo. F ta declara cu e no a sera e porta dilanti na yabi y e bentananan di baño tambe a keda habri. Polis a tuma su keho.

Homber mentalmente ta kima chemicalia

TANKI LEENDERT--Polisnan a bay diabierna 11.40, na un cas na Tanki Leendert, pa problema cu huma cu ta molestiando e bisindario y cu probablemente ta di chemicalien.. Ora cu polisnan a yega nan a paga e candela cu santo, mirando cu e cas ni tin awa ni coriente. Pero tambe e tin problema mental. E departamento di SPD tabata eynan na e momento ey pa dun'e su injeccion pa e calma. Polis a papia cu e habitante y a pon'e na haltura cu e no por kima sushi asina. El a comprond'e.

Problema entre bisiña

ORANJESTAD--Polisnan a bay diab ierna 10.45 na un cas pa Cantaloupestraat pa atende un asuto, despues cu e muhe G,a bay warda di Polis y ta pidi intermediacion. E ta declara cu su bisiña ta benta sushi y piedra tras di su cachonan y si e muchanan ta hunga riba caminda y e bala cay den su cura, e ta kita e bala for di nan. Polis a bay papia cu e bisiña E, cu tabata papia cos bruha y no ta mustra comprension. El a laga Polisnan sa cu su yiu muhe ta traha pa un Minister y cu Polisnan no tin nada di bis'e, como cu e Minister mes ta bay regla cu e bisiña. Tambe el a declara cu e bisiña ta bende droga y Polisnan no ta haci nada. Polisnan a bis'e cu si e ta na haltura cu e bisiña ta droga e mester yama polis y no atende riba su mes cuenta.

Choler no kier tende pa bisti paña ta wordo hiba PAAZ

SAN NICOLAS--Polisnan diabierna 13.20, durante Patruya ta mira na haltura di CMB na San Nicolas e conocido choler A.C.B, naci na Aruba di 42 aña, sin camisa bisti.. Polisnan a papia cune y a bis'e pa e bisti su camisa. El no a mustra comprension y a benta e caminsa riba caminda y a baha su carson, Polisnan a deten'e 13.25 y a hib'e warda di Polis. Personal di SPD a bin warda y a hib'e PAAZ.

Muhe atraca den ora di madruga

SAN NICOLAS--E muhe O, a bay diabierna 15.45, warda di Polis na San Nicolas y duna keho di atraco. E ta bisa cu mas o menos 01.00, ela wordo atraca pa un homber desconoci ora cu e tabata na haltura di Botica San Lucas den B.v.d. V. Zeppenfeldstraat. Polis a tuma su keho.

Ladron ta bay cu tubo di koper y laga meter atras

SEROE JANCH--Polisnan despues cunan a haya yamada di un caso di ladronisia diabierna 18.40 a bay na un cas na Seroe Janchi pa atende e asunto. Eynan e homber W, ta bisa cu e tin yabi di e cas na Seroe Janchi. E ta bisa cu dia 21 mas o menos 08.30, el a laga tur cos entacto y merdia ora cu el a bolbe ,el a mira e meter di awa benta un banda y a mira un plas di awa. Ela constata cu ladronnan a bay cu mas o menos un meter di tubo di koper. olis a tuma su keho y a mand'e Departamento di Recherche pa sigui cu e investigacion.

Chofer hopi burachi a supla 1160 ugl y a perde rijbewijs mesora

TANKI FLIP--Durante cu polisnan ta riba patruya diabierna 20.15, na haltura di Tanki Flip pa nan ta bay atende un caso di dalmento entre e dos autonan A-49051 y e auto A-17496. Tur dos auto tabata core bayendo panort direccion di Caya G.F.Figaroa. E auto A-49051 no a regla su velocidad y distancia suficiente pa e para y a core dal contra e auto A-17496. Na e sitio polis a papia cu e chofer G.T. naci na Aruba di 33 aña y a mira cu e tabata basta bou di influencia di alcohol y ta papia cu lenga pisa y no por para bon riba su pianan. Polisnan a deten'e 20.30 y a hib'e pa core burachi riba caminda publico. Ora cu polisnan a haci test di rosea cun'e, el a supla 1160 ugl. Relaciona cu esey, Polisnan a kita su rijbewijs. Despues cu Polisnan a interogu'e e por a bay cas. Despues e tata a bin warda y a bay busca e auto.

Control den trafico dilanti warda na Playa

ORANJESTAD--Diabierna Polisnan 17.45 a tene control na haltura di warda di Oranjestad entre 17:45 - 18:45 y nan a duna un total di 15 but. Cu ta pa entre otro 5 but pa faha di seguridad, 9 pa lus di señal, 1 pa keuringskaart.

Polis ta intermedia y detene homber burachi

KIBAMIA- Presencia di Polis a wordo pidi diabierna 21.05 na un cas na Kibaima, naunda un homber a menasa y maltrata un muhe. Ora cu Polis a yega e homber no tabata mas na e sitio. E muhe N.W. naci na Aruba di 23 aña, a bisa cu e tabatin problema su cu casa El a bisa cu su casa a bin na e cas pa trece su yiu, pero despues a cambia di opinion y kier a bay bek cu e mucha.Pero ora cu el a mira cu e homber ta burachi,el a purba saca e mucha fordi bentana di e auto. pero e homber J.D. a mord'e na su brasa robes. Pa J.D. laga su man los, e muhe a morde na su nanishi y ela haya un chens di saca su yiu for di e auto. Na momento cu e tabata canando cu su yiu tras di e auto, J.D. a bek e auto pa purba pasa auto riba nan dos. J.D. a bay for di e cas y un rato despues a bolbe cu un cuchiu den su man y a menas'e di hink'e. Despues el a drenta den su auto y a core bay. Polis a informa N.W. cu e por bay duna keho di menasa y maltrato na Recherche na Santa Cruz. Mas o menos 21.15 Polisnan a bolbe bay na Kibaima na unda J.D. a bolbe y ta busca problema cu N.W. Na e sitio Polis a papia cu J.D, kende ta bisa cu e tin problema cu su casa. El a declara cu un discusion a bira den bringamento. Durante cu Polisnan tabata papia cun'e, nan a ripara cu e ta fuertemente bou di influencia di alcohol y no por para riba su pianan y tabata papia cu lenga pisa. Polisnan a deten'e 21.20 pa buracheria. Polisnan a hib'e warda di Santa Cruz na unda el a presenta dilanti Fiscal Auxiliar. Mas despues N.W. a bay warda pa duna keho di menasa y maltrato.

Grupo di supuesto gang di Seroe Patrishi violento y agresivo ta agredi dos ruman

SEROE PATRISHI--Presencia di polis a wordo pidi diabierna 22.59, na Seroe Patrishi pa un pelea cu arma. Na e cas, Polis ta papia cu e mucha muhe G.W di 19 aña. kende ta bisa cu 22.00 el a bay hunto cu su ruman muhe M.W. di 17 aña, na Flores Minimarket. Ora cu nan a bolbe cas ,nan a mira un grupo di mucha ta cana bin den nan direccion. Un di e mucha muhe di den e gruo cu yama T, a cuminsa bringa cu M.W. Despues M.W. a mira cu e homber R.vdB, a dal e otro ruman G.W. dor di esey, e dos rumannan a core bay cas. E grupo a cuminsa core nan tras. E amigo di M.W. y G.W., e homber A.M. naci na Aruba di 24 aña, cu tambe tabata den e bisindario tambe a cuminsa core. Segun A.M. un di e mucha hombernan a bis'e cu e ta tir'e mata. Ora cu nan a yega na e cas, nan a core drenta bay paden lihe y a sera e porta dilanti. A.M. a bisa polis cu un di e mucha hombernan a scop e porta dilanti pa habri'e y e otronan a cuminsa benta e cas cu piedra. Ora cu Polis a yega, e grupo no tabata mas na e sitio. AM. a wordo bisa pa e bay Recherche y Polis a bisa G.W.pa e bay Poli pa tratamento. Habitante a sinti hende riba su dak


Polis a haya basta bibida di alcohol den tres rugtas

PALM BEACH--Polisnan a bay diabierna 21.15 na un cas den L.G.Smith Blvd pa un personaci a bira malo. Eynan Polis a papia cu e doño di e cas, kende ta bisa cu e no sa nada di hende malo. Solamente un persona tin dolor di cabes. Polisnan a haya permit pa controla un ke otro den e fiesta. Durante control, un otro patruya a constata cu tres mucha homber a benta tres rugtas cu alcohol over di e muraya. Polis a bay controla e tasnan y nan a topa cu un cantidad di boter di alcohol, 2 Vodka Grey Goose 1 Vodka Zubkowka 1 Red Label Jhonny Walker 1 Malibu 1 Don Q /Rum. Tur a keda confisca y hiba warda.

Homber ta invita amiga bin papia y ta hale cu mokete den su cara

ORANJESTAD--Presencia di polis a wordo pidi diasabra 01.02, na Sividivi Bar na unda un muhe a wordo maltrata pa su amigo. Eynan Polis a topa cu e muhe O, di 18 aña, kende ta bisa polisnan cu amigo R, a maltrat'e. SEgun e ta declara cu e amigo R, a bis'e pa bin un rato pafo pa nan papia, y ora cu el a Sali pafo, R.a dal'e cu mokete den su cara, mas cu un biaha. O a keda cu su cara y nanishi hincha. Despues R, a lagu'e para pafo di e bar y a bay for di e sitio. Polis a conseha O pa e bay poli pa tratamento y busca un declaracion di dokter pa despues e duna keho di maltrato. Polisnan a busca R,pero no a topa cun'e.

Homber a drumi pega soño den auto habri ladron a fiesta

ORANJESTAD--Asistencia di polis a wordo pidi diasabra 01.48 banda di Marlon's Garage, pa un ladronisia. Eynan e homber W.G. naci na Aruba di 44 aña, kende tabata fuertemente bou di influencia di alcohol ta bisa cu el a para su auto un Chevrolet Aveo A-33740, dilanti Marlon's Garage pa sosega su curpa cu tabata cansa. Ora cu el a lanta for di soño, el a ripara cu ladronnan a bay cu varios herment, yabi di auto y su cartera. Papito Towing a wordo yama pa hiba e auto dilanti su cas. Polis a bisa G.W, pa e bay duna keho na Recherche.

Polis a detene hombercu a falta respet pa polis

PARADERA--Polisnan diasabra 01.10, ora cu nan a bay na di Ruiz Take Away, pa busca cuminda, tabatin difirente hende eynan para eynan. Un homber cu a mira polisnan a sali hopi duro cu e auto y a lastra tire. A sali un cantidad di huma. E hendenan para na e sitio a reclama mesora bisando cu e chofer no tin respet pa Polis. Mesora Polisnan a sigui tras di e auto y a logra pare na haltura di Morning Supermarket. E homber tras di stuur no por mustra su rijbewijs y no por a mustra ningun otro indentificacion ela bisa Polis cu e yama F.W, Banda di dje su amiga tabata sinta. Ora cu polis a puntr'e nomber di su amigo, ela duna un nomber completamente otro. Polis a mustra e homber cu ta castigabel pa duna nomber falso. Dos biaha ela duna un otro nomber cu su amiga a duna Polis a detene e homber cu despues a resulta di ta S.F.A.V. naci na Venezuela di 20 aña.

Polis a yuda homber busca yabi di apartamento

PALM BEACH--POlisnan ta bay pa un asistencia diasabra 02.00 na Marriot Hotel na unda tin un homber burachi.Eynan polis a topa cu un homber sinta bu di un palo yama .S. naci na Corsow 43 aña, E ta parce cu e tabata un tiki bou di influencia di alcohol y bruha. Ela bisa polis cu ela perde e yabi di su apartamento y ta busk'e bou di e palo. Polis a yud'e busca, pero no a topa cu e yabi. Polisnan a hib'e na su cas na Kamay.

Grupo di homber di remate ta causa destruccion y maltrato den café

PALM BEACH--Asistencia di polis a wordo pidi cu urgencia diasabra 02.10, na South Beach pa un pelea grandi. EYnan e doñoY.C, ta bisa polisnan cu sinco of seis homber desconoci a cana drenta su café y ta busca problema cu e clientenan. El a bay papia cunan y a saca nan for di su luga. Dor di esey a start un discusion naunda YC.a wordo maltrata dor di nan. E otro doño JAG cu tabata na e sitio a bisa Polisnan cu el a bay papia cu e hendenan ,pa laga e pleitamento, pero e tambe a keda maltrata dor di e sinco hombernan. Ela haya golpi na su frenta. E clientenan R.L. y e muhe R.K.cu tabata sinta den e café tambe a keda herida, dor di glasnan di bentana cu a wordo kibra,ora cu a hombernan a bombardia eluga cu boter.E cliente R.L.a haya corta na su brasa robes y e muhe R.K.a haya na su brasa drechi.Tabatin un homber cu tabata dispuesto pa para testigo. Segun ela bisa cu e por reconoc'e e hombernan si e miranan. Ela duna describcion di nan. Mirando cu ta trata di maltrato, polis a bisa esnan envolvi pa bay poli pa tuma carta di dokter y despues duna keho na Reherche. Polis a busca e hombernan den bisindario, pero ya nan a huy bay for di e sitio.

Gang di Seroe Patrishi ta sigui busca problema pero despues ta core bay

SEROE PATRISHI--Asistencia di polis a wordo pidi diasabra 13.49, na un cas na Seroe Patrishi, naunda un grupo di hoben supuestamente di e gang di Seroe Patrishi a bay busca problema. E habitante di e cas, a bisa cu un grupo di 12 mucha homber a bin busca problema na e cas. Ora cu nan a mira polis, nan a core bay. E caso tin atencion di Polis.

Pareha den divorcio cu problema y menasa

TANKI LEENDERT--Polisnan a bay diasabra 21.26, na Tanki Leendert pa un problema den pareha. Eynan e muhe S.P. naci na Aruba di 42 aña, ta bisa cu e relacion cu su casa no ta bay mucho bon, y ta den proceso di divorcio. Awe e homber A.P di 42 aña, a bay na e cas y a menas'e cu morto. E ta bisa polis cu A.P, tabatin un cuchiu hunto cune, y e ta sinti su mes menasa. Polis a bay y a tuma su describcion di e homber.. Un persona a bisa polisnan cu A.P. ta na haltura di e rotonde di Tanki Leendert. Polisnan a controla den bisindario, pero no a topa cune.

Turista a perde tas den jeep di tour

PALM BEACH--Polis a bay diasabra 21:00 na un lowrise hotel pa un ladronisia. Eynan e muhe turista N.H.B .naci na Estados Unidos di 52 aña, ta bisa cu mainta 07.30, nan a wordo busca pa personal di Palm Tours pa un jeep tour. Durante e tour, nan a bay na Natural Pool y a laga su tas blou cu su pertenencianan den e jeep. Ora cu ela bay bek na e jeep, ela mira cu e tas no tabata ey mas. Den e tas e tabatin un Nikon camara, Sony HD Videocamcorden y un par di bril di solo, Polis a tuma su keho.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter