Friday, 25 July 2014
Homber haya den palo cu dos boormachin Print E-mail
Friday, 07 June 2013 14:19
DSC_2063
Polisnan di Oranjesad, diaranson 05.05, durante patruya  ta mira e homber R.T. naci na Venezuela  di 45 aña, sinta den un palo den Avenida Alo Tromp. Ora cu polisnan a bay atende y nan a tuma su personalia,nan a mira cu e tabatin cosnan pa usa base den su man. El a bisa polisnan cu e ta usa base.
Tambe polisnan a mire cu un saco berde den cual tabatin dos boormachine marca Hitachi.ela bia polisnan cu nan ta di su tata. Polisnan a mira cu e no a duna un contsta satisfactorio y a confisca e boormachinnan.

 

Polis ta sera bar cu a pasa ora di permit

 

ORANJESTAD—Polisnan diaranson 04.10, durante patruya den Zoutmanstraat, ta mira un bar restaurant habri y paden tabatin 11persona sinta na bar ta bebe cerbes y otro bibida alcoholic. Polisnan a controla e permit y a resulta cu e mester sera  2’or.  Polisnan a duna e muhe M.T. un but y a saca tur hende for di e bar.

 

Choler Patan madruga cu caha di herment 

 

ORANJESTAD—Polisnan di Oranjestad diaranson 04.00,den Oldenbarneveldstraat, ta mira e conocido choler Patan, cu un caha chikito yen di herment. Tambe polisnan a nota cu e tabata fuertemente bou di influencia di alcohol of di droga.  Polis a puntre unda el a haya e caha, pero Patan no por a para keto y no por a concentra. Despues ela bisa polisnan cu el a haya e caha den bari di sushi na haltura di Manuelito. El a entrega polisnan e caha y a bisa  cu e tabata bayendo warda pa e entrega e caha. Polisnan a confisca e caha y a hib’e warda di Polis.

 

Ladronnan ta causa destruccion na auto

 

ORANJESTAD—Diaranson e muhe D, a bay warda di Polis pa duna keho di ladronisia di su auto. E ta bisa polisnan cu 12.15,el a para su auto den su cura sera y 06.30 ora cu ela  drenta den e auto, el a mira cu e bentana chikito tabata kibra. Polis a tuma su keho.

 

Problema pa kapmento di mata sin permit

 

ORANJESTAD—Asistencia di polis a wordo pidi diaranson mainta 08.01, na un cas den L.G. Smith Blvd, pa un problema entre bisiña. E homber  doño di e cas  ta bisa polisnan cu su bisiña, a subi su tereno y a corta 14 mata grandi di druif sin su permit.  Polis a papia cu e bisiña e muhe Z, kende ta bisa polisnan cu el a laga corta e matanan, como cu nan ta yen di pies pies y e blachinan ta cay den su cura.  El a bisa polisnan tambe cu ela huur un baki di Serlima hinca e matanan aden.  Nan a yega na un acuerdo cu e proximo biaha nan ta tuma contacto cu otro,prome cu haci cualkier cos.

 

 

Testigo ta notifica polisnan di ladronisia

 

ORANJESTAD—Polisnan ta haya un yamada diaranson 09.32 for di un testigo kende ta bisa cu e ta testigo di un ladronisia cu a tuma luga den Ling & Sons y abisa cu e  sospechoso ta den bisindario di Centrale Bank y  tambe a mira unda ela sconde e saco cu e cosnan aden. El a duna describcion di e sospechoso. Central ta manda polisnan na e bushalte cu ta banda di e caminda di Centrale Bank, naunda e informante lo ta para. El a bisa polisnan cu e tabata testigo y mustra Polisnan e sospechoso. Polis a haya e saco den cual tabatin dos paki di porktenderloin di respe 25.65 y 25.99 florin y tambe un bara di  lomito di 92.07. E supuesto ladron a dicidi di bay cu e Polisnan na Ling & Sons, na unda e security a reconoc’e como e supuesto ladron. El a resulta di ta J.L.naci na Hulanda di 42 aña. E doño no kier a dunakeho, mirando cu el a haya e articulonan bek. pero a pone J.L.  riba blacklist pa e no drenta e supermercado mas.

 

Keho di destruccion di auto

 

PUNTA BRABO—Presencia di polis a wordo pidi diaranson 13.16  na haltura di Botica Eagle pa un kiebro den auto. Eynan Polisnan ta papia cu e doño di un Toyota Yaris color shinishi scur, kende ta bisa Polis cu mainta el a parker su auto  y alague na yabi 06,30 mainta y 12’o ora cu el a bay come, el a mira cu desconocinan a kibra e bentana chikito di e auto. Polis a tuma su keho.

 

Polis ta detene yiu cu ta molestia su famia

 

PAPILON—Un mama ta yama warda di polis diaranson 14.08,for di un cas na Papilon, na unda e ta pidi asistencia di polis. E mama ta bisa polisnan na telefon cu su yiu homber di 19 aña ta di remate y e ta para riba caya ta warda riba patruya. E mama V.M. ta bisa polisnan cu su yiu homber R.E.M. pa algun dia caba ta haci fastioso y hasta a haya problema cu su ruman muhe mas grandi y a maltrat’e. E ruman no a duna keho. E mama ta bisa cu e dia encuestion R.C.M. a lanta di remate atrobe. El a insulta e mama  y hasta a coy cos den su man pa dal e mama cun’e.  E mama a bisa cu e yiu no ta traha y no ta bay scol tampoco. E kier keda henter dia den cas. Na momento cu polisnan a bay papia cu R.C.M., el a cuminsa grita y a grita su mama. Mirando e actuacion, polisnan a deten’e y a hib’e warda di Santa Cruz, naunda nan a ser’e pa e calma.

 

Capitan di barco haya morto den cabina

 

ORANJESTAD— Polisnan Maritimo a wordo informa telefonicamente diaranson mainta pa e agencia di Maduro & Sons, cu e staff Captain di e barco crucero Jewels of the seas, a wordo haya sin bida den su cabina.  Polisnan hunto cu personal di Recherche, TOD y dr Ling a bay abordo di e barco pa averigua un ke otro. E hefe di security di e barco  a conta locual cu a pasa. Dr. Ling a haci su investigacion y a resulta cu no ta trata di un crimen.  Recherche no a haya nada particular. E victima ta Fane Malcome naci dia 22 di augustus 1973 na Sur Africa.

 

Homber tapone polisnan na haltura di menasa

 

TANKI LEENDERT—Central di Polis ta bay diaranson 20.45  na un cas na Tanki Leendert pa un persona indesea.Na e cas e homber M.M.G. naci na Santo Domingo di 28 aña, ta bisa cu un tal Bolivar a bin su cas y a menas’e. Segun M.M.G ta pa asunto di droga. M.M.G, kier a pone polisnan na haltura. Polis a mande bay duna keho na Recherche.

 

Muhe tres biaha hinca pa su amigo

 

ORANJESTAD—Polisnan a bay diaranson diaranson  21.01, pa un asistencia naunda  un muhe ta yama warda di Polis y ta bisa cu tres biaha cu cuchiu pa su amigo.Ambulance a hiba e victima poli pa tratamento.  Otro polisnan a bay de Timbalstraat naunda e sospechoso ta biba. Eynan e tata a bisa polisnan cu e yiu tabata eynan, pero a subi un  Toyota Tercel blauw A-48841 y a bay for di e cas. E tata ta bisa cu e yiu ta bou di influencia. Tambe e tata a duna polisnan describcion  con e yiu ta bisti. Polisnan a haci un investigacion y nan ta topa cu e auto den bisindario di Club Dakota para. Den e autonan a haya e sospechoso cu ta cuadra cu describcion cu e tata a duna. Ta trata di e homber L.W>naci na Aruba di 23 aña.Polisnan a detene pa maltrato cu arma y intent di asesinato y a hibe warda naunda el a keda sera pa investigacion, Tanto auto como e cuchiu cu a wordo haya den e auto a keda confisca.  E victima N.K. a bisa polisnan cu ora cu e tabata bay cu su ruman muhe cerca nan tata, e amigo a tene di patras y  a hink’e cu cuchiu.Tambe e ta bisa cu L.W. tabatin un yabi di los tire den su man y el a dal e ruman muhe den su lomba cune.  Despues ela subi su auto y a bay for di e sitio.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter