Monday, 28 July 2014
Cambio den areglo rijbewijs pa Arubianonan biba na Hulanda por haya rijbewijs di Aruba Print E-mail
Thursday, 07 March 2013 20:56

ricardo muller

 

Antes e yiunan di tera cu tabata bin cu vakantie cu kier a probecha di pasa examen pa Rijbewijs tabata hayanan cu problema pa e motibo principal di no ta inscribi mas den censo, y cu no ta posibel pa kita nomber na Hulanda pa inscribi bek na Aruba pa saca e rijbewijs y despues kita nomber na Aruba back pa bolbe inscribi na Hulanda.

Pa renoba e rijbewijs tampoco e tabata posibel. Inspector Ricardo Muller a splica cu ora un Arubiano ta bay Hulanda cu un rijbewijs di Aruba e ta entrega esaki pa haya un rijbewijs Hulandes, mescos cu ora nan bin Aruba cu uno Hulandes tin cu entregue na departamento di rijbewijs pa haya uno di Aruba. Pa renoba e rijbewijs di Aruba na Hulanda tabata un problema tambe. Aworaki e asunto a ser regla di manera cu ora nan bin Aruba cu vakantie y nan rijbewijs ta caduca, no mester ta inscribi den censo pa por haci esaki. Te hasta si e persona ta biba na Hulanda e por pidi su rijbewijs na bureau di rijbewijs di Aruba, anto nan ta mande y ricibie via Federal Express of otro compania di mesun tipo. Otro caso ta e studiantenan Arubano na Hulanda cu hopi biaha ta bay prome cu nan cumpli 18 anja, y ora momento yega pa nan saca un rijbewijs si nan bin Aruba cu vacancy y probecha pa haci esaki tampoco tabata posibel tambe debi cu nan nomber no ta den censo. Awor si ta posible, nan ta yama e departamento haci un cita, nan ta purba dune un fecha adelanta y ora e pasa pa e proceso y haya rijbewijs na momento di bolbe Hulanda e por entrega esaki pa haya uno Hulandes. Hopi carta bureau di rijbewijs a ricibi den e transcurso di anjanan door di e situacion aki, cu ya caba no ta un problema mas.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter