| Buskeda fuertemente arma na Paradera pa fugitivo Sanchez Sanchez pa Atraco RBC |
 |
 |
| Thursday, 07 February 2013 16:47 | |||||||||||||||||||||||||||||||||
|
Na Paradera un buskeda grandi a tuma lugar patras di Pacifico en busca di un atracador peligroso cu ainda falta den e caso di atraco riba RBC Royal Bank. Aki ta trata di e homber fam Sanchez Sanchez naci na Venezuela. Un tip a drenta cu e lo ta kedando na e mesun garashi caminda a pone man riba tres otro atracador. Diabierna anochi a gara dos na prome instante y despues diasabra marduga a gara otro scondi den e mondi. E polisnan uniforma tin e area totalmente sera mientras cu team di aresto ta buscando cu nan arma den man pa e sospechoso cu falta. Den e garashi y tambe den e mondi e buskeda ta tumando lugar. Tambe e team canino ta na e sitio buscando cu e cachonan special di polis. Dificilmente hende por yega cerca pero den casonan asina ta importante tambe pa keda leu di e area. E ta un peliger pa cualkier persona cu pasa si cos bai for di man.
Comentarionan (2)Mustra/Kita comentarionan ...
Mester tin hende cu ta yude sconde, i ora gara nan. mi ta spera cu Ministerio publico i Jueznan, no bai actua cu handschoen di felpa. Duna e malechornan aki castigo maximo, pa tur otro cu ta pensa di hasi algo asina coi curpa. Mester cuminsa traha poster, di e criminal aki i cuminsa pega, na tur supermercado i pomp di gasolin.
,
February 07, 2013
Duna Comentario y/of Comparti riba Social Medi |
Mustra/Kita e formulario di comentario
