| “Hesus a kima den fierno” vandalistanan a skirbi riba porta di misa na Paradera |
 |
 |
| Sunday, 03 February 2013 20:50 | ||||||
|
El a topa cu e desagradabel sorpresa cu riba e porta persona(nan) sin escrúpulo a skirbi “Jesus burned in hell”. Compaña pa un caricatura. “E cos aki ta causa hopi dolor na mi curason, pasobra e ta un falta di respet pa misa. Ni misa nan no ta respeta mas,” Pastoor Toti a duna di conoce cu un cara hopi tristo. El a sigui bisa cu loke a pasa ta un acto condenabel, no solamente pa ley pero tambe pa Iglesia contra derecho canonico, cu ta Ley di Iglesia. El a sigui bisa cu “nos ta reza pa esaki no sosode mas, pero tambe nos ta reza pa e persona cu a comete e hecho pa e realisa su fayo, realisa cu loke el a skirbi y causa, vandalismo, den e misa. Pa e busca e caminda di Dios, busca e gracia di reconciliación.” Pastor Toti ta kere cu e hecho aki mester a sosode hopi laat den oranan di anochi y mainta tempran. E mes sa mira autonan para anochi eydilanti pero e no ta molestia nan, pero cu e sucedido aki, e ta bay haci un apelacion na Polis pa tira control de bes en cuando. Parokianonan cu a yega tempran a haci e trabou pa limpia e expresion, pero ainda e ta un poco visibel. Esaki ta prome biaha cu algo asina a pasa. Algun luna patras palabra malo tambe a wordo skirbi riba e muraya patras, cu tambe nan a kita mesora. Hopi Parokiano cu a yega, a expresa nan tristesa pa e sucedido.
Comentarionan (4)Mustra/Kita comentarionan ...
Un dia nan dia ta bai jega,Dios ta Nr 1 & Semper e ta keda Nr 1,Resa Tur dia ta e dia di mas dushi.
,
February 03, 2013
...
dicon e fecha dje foto ta di 2009 ? guerra mundial dos a stop caba na ana 1945 ? e hendenan aki ta full bruha . Nan mester echt ajudo profesional, pero ja, ora nan no kier bai na scol pa sinja historia p.e., nan nunca ta bai hanja sa e berdad , of noh ? Ahh ja: internet a gana nan.whahahaha
,
February 03, 2013
...
Mi opinion y observasion ta cu esaki por a wordo hasi pa mucha nan no bon educa cu kier hanja atencion. Si bo wak bon e symbolo cu jama swastika cu ta representa desde guerra mundial II e bandera di Hitler ta fout pinta. E mester ta otro direction. Sigur sigur esaki ta un acto cu mester condena, pa esun(nan) cu a hasi esaki spera bo hanja pas.
,
February 04, 2013
...
Wel, nos tur sa cu na Aruba tambe, mescos cu otro partinan na mundo, tin grupo satanico. Nos tin cu corda cu Dios a saca satanas for di shelo, y a bent'e na tera, y ta aki na tera e ta cana haci su fechorianan pa medio di esnan cu e a logra haci su dicipulonan. Tocante e mensahe satanico, wel, ta berdad cu den e traducshon bieu di e Credo Catolico tawata poni cu Hesus a "baha na fierno" despues di a wordo crucificá, cual a wordo corregi cu "Hesus a baha den reino di mortonan", como cu e parti ey di e credo ta referi na e hecho cu Hesus a muri mescos cu cualkier orto hende pa un par di dia. Pero riba e di tres dia Cristo Hesus a resucita! Cristo Hesus no a kima den fierno.
,
February 04, 2013
Duna Comentario y/of Comparti riba Social Medi |
Mustra/Kita e formulario di comentario
