| Polis a bolbe atende posibel Taxi pirata |
 |
 |
| Sunday, 03 February 2013 15:31 | ||||||||||||
|
Diadomingo un biaha mas Polis a atende cu chaffeur di e Chevrolet Spark colo blauw, sospecha di ta transporta turista den forma di "taxi pirata". A drenta informacion cu el a lanta un pareha turista banda di hotel. E biaha aki nan a bin gare den e parkinglot di Renaissance cu e turistanan den auto ainda. Polis a atende cu e señora di nacionalidad Peruana y a bin cu un storia atrobe cu ta su ruman cu ta traha na hotel a pidie pa hiba e pareha. E chauffeur kiermen cu su ruman conoce e turistanan. E turistanan mesora a desmenti esaki y bisa cu nan no sa kende ta su ruman. Parce cu e muher no a haya chens di cobra e turistanan. Polis a bisa e muher cu su storianan no ta cos di kere. El a haya un chens atrobe pero Polis tabata hopi cla cune. Siguiente bes Polis lo notifica Fiscal y e lo perde su auto. Transporte publico ta exigi hopi cos cu tin di haber cu seguridad. Taxinan y operadornan di bus mester paga seguro special pa esnan den auto, etc. Pesey e forma pirata cu e chauffeur Peruano ta haciendo su cosnan sigur no ta wordo tolera pa autoridad. Taxistanan trahando pa nan pan tambe ta kehando di dje y pesey a bati alarma na Polis.
Comentarionan (13)Mustra/Kita comentarionan ...
Woow e chauffeur a spanta di e bon conversashon cu e ta tin cu e polisnan. Tanto chens asina ey, ta suerte di poeshi e chauffeur aki tin. Kiko e tin cu ami no tin? Di con ami no ta hanja chens??
,
February 03, 2013
...
Ja, mira ta cua POlis a bay tambe. Boso no a check si pa casualidad e senjora ta den negoshi di bende perfume
,
February 03, 2013
...
Mi no ta compronde pakiko nan a lage bay atrobe. Ya ta dos biaha nan ta gare actuando contra ley y e ta ganja polis atrobe. Kier meen cu nos tambe tin derecho riba dos waarschuwing ora nos comete un infraccion. Ley pa un, ley pa tur.
,
February 03, 2013
...
Polisnan ta come carni ja cu nan NO ta haja pisca na cas dus free for all.. Kita auto y benta na dump kita pan di eligalnan
,
February 03, 2013
...
Mi ta spera cu si un dia polis para mi, mi tambe ta bai pidi Mr polis pa duna mi un chens. INCREIBEL ta na Aruba so e cos nan aki ta pasa .... mande su pais bek paso si manjan pasa un acident ta nomber di Aruba atrobe den news rond di mundo.
,
February 03, 2013
...
Saca e muher aki pafor di Aruba. PERUANA AFUERA!!! Taxistanan mester baha tur su tairanan cada biaha. E instancia encarga cu control ta hasiendo kiko? Sinta piki riba esnan cu ta traha honesto y ariba e tiponan aki: NI FU NI FA. Awel taxista tuma husticia den boso man.
,
February 03, 2013
...
Ministro di justucia na sonjo, i polisnan ta duna chance na Peruana cu ta comete acto contra nos leinan, pa di dos biaha. Tur Arubiano cu wordu deteni den e dianan aki paso bo a dal un poco drinks di mas, mester exigi mesun trato di man di felpa cu e senjora aki ta hanja cada biaha. MINISTRO DI JUSTICIA, FAYA BO HANJA PA NOS, FAYA BO HANYA PA NAN TAMBE.
,
February 04, 2013
...
Kens e ta tuma polis hasi, si ta un arubiano nan a kita su auto y dune un bon boet tambe, pero mi no sa ki suerte e stranheronan ey tin cu nos arubiano no tin, sigi malcrianan aki poko tempo nan ta sinta como prome minister manda nan bek pa nan pais nos no kier nan akinan actuando contra ley
,
February 04, 2013
Duna Comentario y/of Comparti riba Social Medi |
Mustra/Kita e formulario di comentario
Ta di dos biaha, boet mester a cay y hasta confisca su auto.
Polisnan mester actua duro mas ainda cu extranheronan cu ta burla di nos leynan.