Na final di e Lighting Parade diadomingo marduga a mira con alto comisario Dolfi Richardson pero tambe ex presidente di SPA na careda pa para un auto tipo Tiburon. Loke e chauffeur aki a haci imposibel nan por a permiti pa e sigui cu e auto. E participantenan y tambe mirones den Paardenbaaistraat a haya un rabia hopi grandi ora cu nan a mira e forma cu e chauffeur aki a dicidi di maniobra mey mey di nan cu e auto. Si el a perde control sigur e lo a mata algun hende. E hendenan a bisa polis cu e chauffeur merece un bati. E alto comisario a bisa cu ta imposibel pa laga e chauffeur. Aki sigui cu e auto. Na careda a bai su tras pa logra pare y nan a logra tambe. A detene e chauffeur y den e auto tabata tin un sket skerpi, varios boter di alcohol pero tambe pochi special pa mula marihuana. E auto a keda confisca y e chauffeur hiba warda. E mester bai duna cuenta di su comportacion den trafico pero tambe ta core e chens di perde su rijbewijs pa un tempo.

Comentarionan (5)

Mustra/Kita comentarionan

...

Bon trabow di polis! Un peligro menos ariba caya. Esaki ta un bon motibo pa tuma auto den beslag y laga Daltra machica pa hero biew y kita rijbewijs for di e manehador buraché y drogado pa 5 anja. Mester caba cu tur e bagamuderianan aki pa semper.

Macanudo , February 03, 2013

• 
• +8
• 
• 

...

Pabien atrobe na nos Comisario,cu su bon trabouw, asina pueblo ta haya sa cu un yui di tera ta hasi su trabouw manera debe ser, y pa esun nan cu a critca cu e mester stop di canta y hasi loke cu e gusta na su oranan liber, weita ayera e ta bolbe cumpli cu su pueblo y eherse su trabouw, danki pa un bon trabouw.
Sigi padilanti cu bo bon trabouw.

M.I.G. , February 03, 2013

• 
• +23
• 
• 

...

E chauffeur aki mester sinja su les, suspend su rijbewijs pa un tempo y si e auto no tin su documentonan na ordo, hibe dump machike, nos ta fada di e tipo di hendenan iresponsable aki.

aribaaruba , February 03, 2013

• 
• +11
• 
• 

...

Alto comisario Arubiano di pura sepa, Ami ta propone pa gobierno Mike Eman, nombra nos alto comisario Richardson, como Ministro di Justicia di awor te elecshon. I manda e Ministro actual cu vakantie te despues di elecshon. Ya cu den cuatro anja 0,0. Den un termino di 7 luna mi ta sigur nos Comisario actual, lo por logra mas cu e Ministro a logra den 3 anja. Pabien alto comisario.

johan tromp , February 03, 2013

• 
• +6
• 
• 

...

Anto cu su carita de yo no fui sera e loco ey pa basta dia kita rijbewijs y mande AA obligatoriamente

Ban serio , February 03, 2013

• 
• +6
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi