Tuesday, 22 July 2014
Minister Dowers tabata hunto cu top di Cuerpo Policial durante e detencionnan pa Atraco RBC Print E-mail
Saturday, 02 February 2013 08:35

atraco dowers

Diabierna anochi te cu diasabra marduga ainda minister Arthur Dowers tabata riba pia hunto cu top di polis. Comisario Vanessa Kock, Alto Comisario Dolfi Richardson y tambe e mandatario di husticia tabata sigui cada movecion di e team di recherche envolvi den e caso di atraco aki pa pone man riba e sospechosonan. Minister Dowers a splica cu regularmente nan ta riba caya den tipo di casonan grandi asina.

Desde cu el a bira minister di husticia el a confirma cu e cuerpo policial ta masha dedica pa percura pa e parti di prevencion y tambe represion ora cu tin cosnan bai fout. Diabierna algo a bai fout den comunidad y cuerpo policial a reacciona den un forma hopi bon y a mira hopi hende riba caya trahando den husticia. Esaki a duna bon resultado tambe. E mandatario di husticia a splica cu nan ta trahando hopi duro y incansablemente cu cuerpo policial y tur e medionann cu tin na dispocision pa garantiza e seguridad di e comunidad. Ora algo pasa na varios ocasion a yega di bisa cu polis, minister di husticia y ministerio publico no por drenta den cabez di hende cu ta hinca den nan cabez pa bin di exterior y comete cosnan for di sla riba Aruba. Tur hende cu kier bin ta welcome segun e mandatario pero bo mester comporta bo mes. Si no comporta ta actua contra bo mesora. Ademas esnan cu ta di Aruba y ta copera tambe cu e tipo di casonan manera e atraco of ta practica e tipo di actividadnan aki lo tin un contesta pa nan. E man di husticia ta pisa y ta baha cu man pisa contando cu ministerio publico lo pidi e castigo di mas pisa cu tin den e casonan aki. Aunke ta huez ta pidi castigo e mandatario a splica cu nan ta spera di miranan castigonan pisa. Un comunidad manera esun di nos merece di tin un trankilidad. E trankilidad aki bo por garantize si bo tin hende drechi cu ta cana straight den comunidad. Como minister di husticia a yega di haci peticion na mayornan y esnan cu mas tino den comunidad pa asumi responsabilidad pa guia esnan hoben cu ta crece den e comunidad aki. E unico manera cu por percura pa hobennan crece drechi den comunidad ta dor di bo mes sali pafor y duna e bon ehempel. Tin mucho hende cu mal ehempel na e comunidad aki segun minister Dowers. Asina mes nan tey pa atende cu nan ora cu nan faya e mandatario a bisa finalmente.

album album album
album album album
album album album
album album album
album album album
album album album
album album album

Comentarionan (6)Add Comment
Ban serio
February 03, 2013
201.229.12.253
Votes: -1
...

Minister bo tawata tin un VEST bisti???? Strobe bo tawata stroba!!!!!

... Low-rated comment [Show]
cuidadano
February 02, 2013
201.229.83.72
Votes: +0
...

Mi tambe ta puntra mi mes ta kiko e minister ta hasi ey!!! Hasi hopi?? Hasi intresante?? Polis, Recherge,ARS Team no mester presencia di Minister pa hasi nan trabou!! Good job blue people>>>>

mmgg
February 02, 2013
208.87.233.180
Votes: +6
...

whahahahaha e tall Dowers mester ta den e banko ora nan a drenta pe pasa den e susto cu e hendenan a pasa pe wak con serio e cos nan ki ta! hende cu ta bin aruba pa hasi malu. Dowers pone paro pa hende ilegal drenta ARUBA!!!! WAY to go pa nos polisnan i recherche nan pa traha dia i nochi.

#fact
February 02, 2013
201.229.37.219
Votes: +2
...

Ta hasi kiko??

mening
February 02, 2013
201.229.91.123
Votes: +20
...

Hopi bon trabou...Banco mester pensa di bin cu un metal dececting/scanner pa asina nan por bin miho control y tambe seguridad di trahador y cliente y nan protehi nan plaka......

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter