|
Sospechoso cu a manda auto riba hende a huy for di Polis |
 |
 |
|
Saturday, 29 December 2012 21:39 |
|
Trankilidad den Caya Franse Bloem a keda interumpi pa discucion cu a caba den pelea Diasabra anochi algo prome cu 8or. Bisiñanan a bati alarma pa un homber cu a subi su Toyota Tercel y manda esaki riba un homber. Segun testigonan lo a dal e homber cu auto y mande den muraya.
E sospechoso a baha na awa mesora. Polis a yega e sitio ta pidi Ambulance pa check e victima. E homber no sufri herida serio pero a pasa den susto di su bida. Recherche a bin na e sitio pa cuminsa cu investigacion. E victima a entrega keho contra su agresor. Algun minuut despues Polis a purba para chauffeur di Toyota Tercel pa control rutinario pero esaki a nenga y subi velocidad pa huy for di autoridad. Un persecucion cortico a cuminsa cu a bin caba pa nort di Rotode di Ponton. E chauffeur a para e auto y huy na pia, Polis a perde den scuridad di e casnan banda di Caya Ernesto Petronea. Ta sospecha ta trata nada menos di e sospechoso den caso na Jaburibari. Esaki no ta prome biaha cu e homber di fam Lacle ta haya su mesun den problema cu justicia, den pasado a yega di tira granada den cas di hende y hasta staca hende cu harpoen. Polis a busca den becindario pero no a logra topa mas cu e sospechoso.
 |
Mustra/Kita e formulario di comentario
