|
Ladronnan a terorisa Alto Vista y becindari |
 |
 |
|
Thursday, 27 December 2012 13:30 |
|
E Pasco aki habitantenan di Alto Vista no por a drumi trankil danki na man di algun malhechor cu a terorisa e bario completo. Riba diferente ocacion Polis a bay casnan den tur skina di Alto Vista cu sea a kibra den dje y hasta algun caso unda ladronnan a drenta den cas lantando habitantenan for di soño.
Diamars marduga despues di noche buena un famia a yama Polis pa auxilio ora yiu homber a bin haya dos desconocido den sala ta torno X-Box pa bay cun'e. E malhechornan no a pensa dos biaha coy algun wega y sali na careda. Polis a yega pero mucho lat ya e ladronnan a huy den scuridad di anochi. Un caso similar tabata esun diaranson anochi lat ora famia den un otro cas na Alto Vista a sconde den kamber yama Polis ora a tende hende den sala. E ladronnan mescos cu e anochi prome a huy faltando algun minuut pa Polis yega.
E dos casonan aki ta djis algun pa ilustra kico habitantenan di Alto Vista ta pasando den dje, otro caso similar a pasa durante fin di siman y riba dianan di fiesta. No ta Alto Vista so pero otro barionan den becindario tambe a haya bishita indesea. Diahuebs durante dia Departamento Tecnico di Polis tabatin un lista di casnan pa pasa busca evidencia pa asina pone man riba e ladronnan aki. Kisas un resolucion di aña nobo pa Polis traha riba 2013.
 |
Mustra/Kita e formulario di comentario
