| Hoben tira na Boliviastraat |
 |
 |
| Thursday, 27 December 2012 04:06 | |||||||||||||||||||||
 Diahuebs marduga un homber a tira riba un hoben dilanti Circle K na Playa. A los varios tiro, e victima a core pa su bida sconde tras di cura di cas na Boliviastraat. E victima di fam Figaroa a haya herida di bala na su pia
Polis bezig cu asitencia riba L.G. Smith Boulevard a mobilisa mesora. A bin haya e victima ta sangra benta na suela y bisiñanan riba caya tur spanta. Testigonan a acerca Polis cu huls den man a señala cu e tironan a cuminsa cay banda di Circle K. Mas unidad di Polis a yega pa cera e area pa investigacion. A bin haya Toyota Tercel cu tres impacto di bala dilanti e skina di Circkle K para.
E victima na tino pero cu hopi dolor tabata papia di un desconocido cu capuchon abordo Toyota Yaris color blanco a pasa saca arma di candela y tira riba dje. E victima cu tabata para na e skina a sali na careda asina mes a haya bala den su pia robes. Hendenan riba caya a grita "nan a dal'e" y bisiñanan a sali wak kico ta pasando. Aki a bin haya e victima scondi ta pidi ayudo.
Polis a pidi Ambulance cu urgencia pa atende cu e victima, e la perde sanger pero no tabata core riesgo di perde su bida. Un di dos Ambulance a bin pa yuda na e sitio tambe. Recherche cu TOD a yega pa investiga e caso serio aki. Alto Comisario Dolfi Richardson tambe tabata presente. Polis a tene e area cera un bon rato.
Comentarionan (4)Mustra/Kita comentarionan ...
di unda tur e arma nan aki ta bini , mester pone boet halto pa hende nan cu tin arma sin licencia.
,
December 27, 2012
...
Masha facil jeffrey foi colombia, pero manera cu bo ta bisa no boet so pero sera esun nan cu ta cana cu arma blanco anto pa basta tempo.
,
December 27, 2012
Duna Comentario y/of Comparti riba Social Medi |
Mustra/Kita e formulario di comentario
