| Durante henter dia Polis lo ta na Spiraal Retonde |
 |
 |
| Tuesday, 18 December 2012 20:42 |
|
Paola Goede Kock, representante di Cuerpo Policial den e conferencia yama door di DOW, a splica cu Cuerpo Policial ta pidi usuario di trafico core cu cautela mirando cu e cambionan aki por trece cierto confusion. El a splica cu ta trata di un cambio grandi ta bini cu e spiraal rotonde, y semper cambio ta trece confusion pa cual ta pidi cautela extra. Autoridadnan concerni ya caba a percura pa tur señal y borchi ta poni den e area y riba e rotonde pa guia e automobilistanan con pa core. Loke ta nobo ta e borchinan grandi di indicacion cu ta poni riba e rotonde, specificando e rutanan di San Nicolas, Oranjestad, Cumana y pa hotelnan. Pero tambe a pidi pasenshi pa usuarionan pa evita accidente innecesario. Riba e rotonde lo tin tambe e asina yama “lomba di cacho” mescos cu tin poni riba Sasaki, pa evita cu chauffeurnan ta cambia di direccion of “lane” y evita accidentenan. E ta algo cu a funciona hopi bon riba rotonde di Sasaki. Tambe lo tin miembronan di cuerpo policial henter dia riba e rotonde pa yuda guia e trafico y contesta preguntanan si ta necesario. Comentarionan (3)Mustra/Kita comentarionan ...
Mi ta sugeri pa parti flyers di e rotonde aki pa e usuarionan por cuminsa figa e situacion nobo.
,
December 18, 2012
...
Lo ta bon pa cuerpo policia splica e situashon di e rontonde aki via televishon. E ora ta mas visibel pa chofernan wak con mester core. Mi ta spera cu nan por hasie alsnog diahuebs. Laga e cos aki pa tur hende mainta riba diabierna ta bai ta poco moeilijk. Pesei tur chofernan, ban poco poco ora jega dilanti airport.
,
December 19, 2012
Duna Comentario y/of Comparti riba Social Medi |
Mustra/Kita e formulario di comentario
