| Minister Otmar Oduber: Huez a haya suficiente motibo pa Eddie Briesen presenta den Corte na January venidero |
 |
 |
| Thursday, 29 November 2012 19:12 |
|
Na momento cu gobierno na mando a tuma e poder a notifica AMF y sr. Toffanelli cu nan no ta bay sigui cu e contrato aki. Esaki den cuadro di un investigacion cu a cuminza di parti di Central Accountings Dienst y Ministerio Publico. Minister di turismo a splica cu CAD a bise cu si e continua cu e contrato aki e ta mes culpable cu ex-minister cu a firma e contrato contra tur ley di contabilidad existente. E grupo di Aruba Music Festival y sr. Toffanelli a haya ta bon pa claim Aruba pa un contrato di 7 miyon florin y gobierno su punto di bista ta cu e ex minister mes mester wordo poni responsable pa e suma aki, personalmente. E minister a splica cu e tramitenan die contrato ey den su totalidad no a bay bon, y ATA mes a haya conseho negativo pa firma e contrato y di esaki tin prueba riba mesa. Tambe a constata cu na Juli 2009 Toffanelli a manda carta pa e ex-mandatario y tambe e mails cordando e cu nan mester firma e contrato pa 2010 en adelante, y minister Oduber ta puntra con esaki por ta si e contrato a ser firma na 2008 caba. Minister di turismo a splica cu el a papia riba esaki cu Eddie Briesen y tambe a papie den parlamento y a bisa riba e consecuencianan cu e lo por trece cune si e grupo ta claim Pais Aruba pa e suma di 7 miyon y e no ta haya ta husto cu nos pueblo mester bay paga pa erornan cometi pa gobierno anterior. El a bisa tambe cu ATA ni un momento a ser envolvi den e Aruba Music Festival pero si ta di su presupuesto a paga e grupo. Prome cu e investigacion di CAD tabata tin dos rapport caba cu ta mustra cu no tabata tin transparencia financiero den e festival y ATA continuamente a duna conseho negativo pasobra no a mira ningun return invest y nan no tabata envolvi den ningun decision, cu tabata ser tuma pa comision cu e minister a instala cu a consisti di hendenan rond di dje cu tabata su conseheronan. E minister ta haya stranjo cu Briesen no a defende su mes pero a laga Toffanelli hacie, sinembargo Huez a haya suficiente motibo pa e ex-minister presenta den Corte na January proximo y para responsable pa e suma di 7 miyon aki. Comentarionan (3)Mustra/Kita comentarionan Duna Comentario y/of Comparti riba Social Medi |
Mustra/Kita e formulario di comentario
