Un persona a presenta cu un plachi number di auto y tambe algun papel, pa asina entrega esaki. Dado momento ora el a bay haci esaki, a constata cu e plachi di number ta falsifica. Personal di Departamento di Impuesto a cuminsa atende cun’e.
Aparentemente e persona aki no a gusta masha e manera cu tin cosnan cu no ta corecto. Mirando e forma cu a reacciona y mirando cu tin varios cos iregular ultimamente cu plachi di number y tambe cu sticker, a bay over pa yama polis y keda vigila e situacion. E persona aki no tabata sa cu polis tabata na caminda. Na momento e persona a wak polis, el a core drenta baño. Despues nan a logra hay'e y a bay atende cun'e. A bay den un cuarto apart y aparentemente tabata tin cierto cosnan cu no tabata corecto. Plachi di number no tabata corecto, cierto documentonan no tabata corecto.
Y tur esaki a atende cun'e. E cliente aki mester a duna cuenta di unda el a haya e plachi, con el a haci hay'e, etc. Finalmente no a detene e persona. Pero e departamento di Impuesto su personal a sigui atende cun'e. No sa si directamente e por ta envolvi den algo contra ley, pero si e personal atento a constata cu e plachi di number no ta corecto y esey ta e motibo tambe cu nan a dicidi pa atende cun'e y finalmente cu intervencion di polis a aclarea diferente cos riba e cosnan cu el a trece cu tabata falsifica, entre otro e plachi di number.
