PIN ku bishita na plan vakashon di FDDK

Durante di e siman aki partido PIN a bai hasi bishita na stadion Ergilio Hato pa tuma nota kon FDDK a prepará hinter e stadion pa akapará nos muchanan durante di fakansi.

Deporte i moveshon ta masha importante pa e kurpa humano. Pero tambe rekreá ta algu ku nos muchanan gusta I tin mester di dje. PIN a tuma nota ku tabatin hopi mucha i e muchanan tabata disfrutá di weganan ku FDDK a prepará pa nan. PIN a keda hopi satisfecho di mira ku aparte di wega nan di deporte, a inkorporá diferente área manera entre otro, área di “wellness”, bus di djente, área pa konta kuenta i área pa pinta kara.

Tambe a kòrda riba área pa mehorá e mucha su “motoriek”. Loke a resaltá ta ku a hasi uzo di hinter e tereno rondó di e stadion. Un elogio ta bai na FDDK ku durante dianan di vakashon ta organisá aktividat pa nos muchanan.