Coney Island ta habri diahuebs

361
rbc mobile banking
Coney Island

E dia a yega. Esaki ta e dia cu tur hende tabata pendiente p’e. Pero e tabata tin su motibonan cu no ta nada malo. Simplemente proceso ora cu bo presenta cu un proyecto asina grandi, bo tin cu pasa inspeccion. Y no inspeccion. Diferente inspeccion, principalmente ora cu ta trata di un parke asina enorme, caminda bo lo tin grandi y chikito gosando di e actividadnan cu lo bay tin.

Banco di Caribe

Na final di otro inspeccion final, cu a cana perfectamente y e tin noticia pa Aruba. Steve Hudson, a splica cu a pasa den diferente inspeccion. Tabata tin e ultimo inspeccion dialuna mainta y merdia a haya e permiso di Polis. El a bay fantasticamente bon. Absolutamente ningun detaye. Por a mira con diferente miembro di ekipo di inspeccion mes a drenta practicamente tur e aparatonan, pa nan por sinti nan mes sigur ora nan bisa cu tur cos ta ok. Y  por fin por anuncia apertura di e parke. El a dura, pero e tabata sin su motibonan.

Awor por ranca sali habri e parke na Aruba.

Inspeccion

Tabata tin diferente inspeccion, no pasobra tabata tin cosnan negativo. E inspeccion ta bay den secuencia. E prome inspeccion por ehempel tabata kier a mira con e ekiponan a yega, riba trailer, den container, con safe nan tabata.

E di dos inspeccion ta ora cu a cuminsa arma, sin cu ningun di e aparato tabata funcionando.

E di tres inspeccion, ta bay inspeccion tur e aparatonan cu tabata cla arma y proba caba.

Ultimo inspeccion tabata mas bien cosmetica. Detayenan cu nan a duna den e prome tres inspeccionnan, nan kier a percura cu a pasa riba nan tur y a cumpli. A pasa riba nan tur, te cu a haya e Green Light pa por habri e Coney Island.

E hecho cu tabata tin diferente inspeccion no ta nifica cu e parke no tabata bon. E parke tabata bon tur tempo. Pero un inspeccion ta tuma su tempo. El a bay den faseta y a cumpli cu tur e fasetanan. Te cu awor a keda cla.

Coney Island ta habri diahuebs awor

Awor si! Coney Island ta habri e siman aki.. Bo ta cla pa busca bo ticketnan?

Posted by 24ora on Monday, January 8, 2018

Ki ora

Parke ta habri 6’or di atardi, pero softopening e prome dia. Ora cu haya e aprobacion pa por  habri e parke, ta habri’e. Ta cla pa bay y tin cu agrega cu si ta pa Aruba, e mester a habri masha dia. Si por a mira for di atardi, tur e dianan aki, en particular e ultimo siman, cuanto hende y auto ta yega puntrando ki dia e parke ta habri. A tuma tempo pa por haci’e y haci’e bon.

Tin aparatonan cu a bin di Hulanda. Tin aparatonan cu a bin di Venezuela, Colombia. Tabata tin aparatonan cu a bin di Boneiro. Segun cu e aparatonan tabata bin yegando, tabata armando.

Por a habri e parke 2 of hasta 3 siman pasa. Pero no a opta pa haci esey. Den un entrevista anterior, Hudson a splica cu Aruba lo haya e Coney Island mas grandi cu a yega bishita na e isla y e ta para riba su palabra. Di e magnitud aki, Aruba no a conoce nunca. Miho warda y haci’e bon den un biaha y awe Hudson a bisa cu ta cla pa duna Aruba e Coney Island cu a bin ta bisa cu Aruba lo bay haya. Grandi, electricante, yen di ambiente, yen di color, yen di aparato, cu tur cos cu e mester tin.

Grandi y chikito por gosa

Ora bo ta papia di Coney Island, tin biaha bo ta mira cu ta concentra riba mucha so. Esaki ta un Coney Island familiar. Bo no ta haya un mama, tata, tia, un banda. Tin cos pa hende di tur edad. Claro tin aparatonan cu mucha no por drenta, sino hende grandi so. Tin atraccion pa hende di tur edad den e Coney Island aki. Si bo kier drenta aparato di e edad cu bo tin, tin aparato pa bo drenta.

 

Tur detaye

E bar y cushina lo ta bon surti. Loke tin eynan ta mucho mas cu un Coney Island. Ta un parke di diversion caminda cu bo por sinta trankil. Mama cu papa por sinta trankil, laga e muchanan core rond, drenta nan aparatonan, come, bebe, bao di dak, den aire liber. A tene cuenta cu tur detaye.

 

Ki dianan

Apertura official ta diahuebs 11 di January 6or di atardi. Pa e fin di siman ta habri diabierna, diasabra, diadomingo, pa 6’or di atardi. Ora di cera ta depende te ki ora tin bishitante. E permiso ta te cu 1’or. Si no tin hende, ta cera mas tempran. Di experiencia cu tin di Coney Island, vooral e prome dianan, lo ta on sigur den careda di 12’or of 1’or.

Comments

comments

Dragon Fly