E homber Rolando “Grandi” Mèdonnè, cu e siman aki ta perde su trabou, a gana e premio grandi di Lotto 5 diasabra anochi y a bira miyonario. “Grandi” a haya un sorpresa “grandi” ora cu e tabata pendiente pa traha su ultimo dia di trabou, riba dia 31 di januari 2018. E tabata traha na Bureau City Inspector y e Gobierno nobo a mande un carta pa kite for di trabou. El a hunga e numbernan 07-09-10-16-19 den forma di Lotto Loco na Nasset Lottery den Bernhardstraat na San Nicolas y e mes no por a kere su wowonan ora el a mira e resultado y a compara su ticket ganado. Awe el a cobra e bunita suma di Afl. 1.650.000,= for di Lotto di Aruba. E premio aki ta bin completo, sin paga belasting riba dje. Di e forma aki San Nicolas ta cera conoci cu un miyonario mas, pabien!
