Un pelea of maltrato entre homber cu muher a termina na detencion. E caso tabata entre e pida parke banda di Citgo Blvd cu Nikky Beach aparentemente.
E pelea tabata uno caminda a agredi muher y den e caso aki Polis a detene muher y homber. Ora e melding a drenta e polisnan a bay mesora cu varios unidad. Tabata papia di un pelea grandi. Na yegada di Polis nan a topa cu e situacion. A scucha algun di e partidonan y finalmente a bay over na detencion. A bay tras di un Starlet cual un di e sospechosonan a bandona e area di pelea. Caminda a para e Starlet den vecindario di Nicky Beach a haci detencion. Tur a wordo hiba warda cu dogcatcher. Eynan a keda di regla e problema scuchando e partidonan. Tabata oranan di marduga y e grupo aki a haya gana di confronta otro.
