E presidente di ReD, sr. Robby Croes, a scirbi na tur simpatisantenan lo siguiente: “Un danki di curazon pa e logro aki di seramento di e 578 firmanan. Awo padilanti cu e campanja pa logra e votonan necesario pa representacion den Parlamento y pa ta den gobierno di coalicion. Danki. Danki. Danki.” Y a logra esaki riba e di dos dia, despues cu POR a sera su lista, pero cu e diferencia cu nos hendenan a bin for di conviccion.
Un experiencia riba e dianan aki di firmamento a pone nos pensa mas y mas riba e urgencia cu nos edificionan di gobierno mester bira bira apto pa esnan u tin limitacion fisico. Na Censo diferente di nos sostenedornan a bin den rolstoel y ta trapi su tin. Nos edificionan di gobierno no ta amabel pa esnan cu limitacion fisico. E ta un refleho tambe cu falta hopi ainda pa logra respeta plenamente e derecho di esnan cu cierto limitacion, nos muchanan special, nos hendenan cu tin algun limitacion fisico. Ta urgente pa Aruba implementa e tratado internacional di derechonan di esnan cu limitacion.
ReD den e proximo gobierno sigur lo atende e punto importante aki. Ademas ReD den e proximo gobierno di coalicion lo exigi un investigacion independiente di posibel practicanan di corupcion dor di ministernan di Gabinete Eman I y II. Tin denuncia penal haci awor dor di Fundacion Nos ta Aruba contra practicamente tur minister di Gabinete Eman. ReD ta conosi cu den pasado nos a tuma e initiativa di a bin cu Comision di Berdad, cu finalmente a hiba na e condena di exlider di AVP pa corupcion y otro 7 integrantenan di e maquinaria democrata cristian. E pueblo votador por tin e confianza den partido ReD cu nos ta serio den nos lucha contra corupcion.
