Parlamentario Marisol Lopez Tromp a haci algun pregunta na Minister di Desaroyo Teritorial, Infrastructura y Medio Ambiente Otmar Oduber a base di un publicacion cu a sali den Bondia y Amigoe den cual e ministerio ta duna posibilidad pa exoneracion di un acuerdo comercial pa comerciantenan cu no a cumpli completamente cu e rekesitonan di e permiso cu nan tin.
Riba 14 di juni 2018 e parlamentario a manda e sigiente preguntanan:
1. Dicon DOW ni DIP a interveni durante e gobernacion anterior?
2. DOW ni DIP no a controla e projectonan aki? No tin ningun registracion di e casonan aki?3. Minister por manda parlamento un relato por escrito di e cantidad di casonan di construccion ilegal den e sector comercial y un lista di cual terenonan esakinan ta? Kiko DOW y DIP tin registra riba esaki?
4. Ta trata aki di inversionistanan local of stranhero? Parlamento por haya descripcion di e destinacionnan di e projectonan aki y alabes tambe un descripcion di e tipo di exoneracionnan cu ta ofrece y cu por tuma luga?
5. Minister por duna un lista di e projectonan comercial na entre otro Eagle Beach, e tereno pasuid y pariba di Tropicana y tambe na Camacuri? Por haya un resumen tambe di e projectonan di construccion banda di waf di Oranjestad y tambe den Alto Vista?6. Parlamento a pasa un mocion den cual ta instrui gobierno pa haci un investigacion den e departamento di DIP y tambe riba e maneho di e minister di Infrastructura anterior, y den cual ta pone enfasis riba e puntonan den e mocion. Minister por duna un bista di con leu e investigacion aki ta?
7. Minister por splica Parlamento kiko ta e motibonan cu ta duna prioridad na e posibilidad di haya exoneracion pa inversionistanan di cierto projectonan? E inversionistanan aki a actua contra ley of a construi sin permiso y sin supervision ni control di DIP y DOW?
8. Pakiko no a haci e investigacion aki prome cu cuminsa haci excepcion pa posibel construccionnan ilegal?
9. Minister por duna parlamento e documentonan/notanan di maneho recien di DIP y DOW den cual nan ta amplia riba e topico aki?
10. Den e publicacionnan den prensa e ministerio ta papia di bouwlagen pero esaki por varia den haltura. A tene cuenta cu e haltura maximo rekeri pa ley?Click AKI pa mira e pdf
