Polisnan tabata basta druk den marduga cu e parada di Flambeu. Nan a logra saca e parada 8:10 di anochi diasabra pero e lastlap a pasa bay abou banda di DOW y a caba 2:15am, di acuerdo cu relato di Polis. Esako ta 45 minuut mas laat cu aña pasa.
Despues cu grupo number 7 a pasa, entre e ultimo gruponan ocho y nuebe so tabatin un gap di un ora.
Esaki tabata demasiado grandi leu for di otro. Parce cu tin gruponan cu no ta respeta regla y ora cu nan bay abou ta wanta e parada full.
Principalmente Le Groove ta uno cu a wordo cuestiona constant pa Polis. Asina mes por bisa cu un parti grandi of mayoria di esnan cu a participa den e parada a gosa masha hopi mes.
E tabata un parada cu miles di hende riba pia den parada mes pero tambe na banda.
