Djamars 17 di aprel próksimo Partido Alternativa Real (PAR) lo organisa un charla interesante tokante kalidat di edukashon komo meta pa desaroyo sustenibel na Kòrsou.
Orador di e anochi lo ta sra. Drs. Marilyn Alcala-Wallé, aktual minister di Edukashon, Siensia, Kultura i Deporte.
E charla lo tuma lugá na sentro di bario Janwé, ta kuminsá 7or di anochi i ta kompletamente grátis.
Esaki ta e di dos charla ku ta keda organisá pa PAR, den kuadro di e selebrashon di su 25 aña di eksistensia 14 di desèmber próksimo. E promé charla tabata na sentro di bario montaña kaminda a para ketu na implementashon di e plan di urgensia.
Meta di e charlanan aki ta pa públiko sera konosí ku e metanan di desaroyo sustenibel di Nashonnan Uni, kual ta base pa e plan di desaroyo di Kòrsou.
Direktiva di PAR pa medio di esaki ta invitá tur esnan ku ta interesá pa bini sentro di bario Janwé djamars awor, pa asina partisipá na e enkuentro aki.
