Palo di luz tabata para “den caminda” riba Sasakiweg

Diadomingo marduga pa 5:15am a sosode un accidente na altura di Orange Plaza riba Sasakiweg. Un auto marca Suzuki modelo Ignis color geel a dal un palo di luz. Claro cu e impacto tabata asina fuerte cu e daño material a resukta considerabel.

Den auto Polis a topa cu varios boter di cerbes, cu sin duda a lanta e sospecho cu e chauffeur por ta burachi. Sinembargo, chaufeur di e auto a bisa Polisna na e sitio cu el a perde control cu e auto y cu consecuencia cu el a dal den e palo di luz.