Pilotonan di KLM ta menasando pa welga riba pago y presion di trabao, di acuerdo cu un carta di e sindicato di e pilotonan VNV na su miembronan, Telegraaf a reporta riba dialuna. E ta keda insigur si cualkier accion industrial lo wordo tuma, pero e corant a bisa cu nada no ta planea prome cu diabierna.
KLM y e sindicato a yega na un acuerdo tentativo riba un contracto di condicionnan di pago nobo pa e pilotonan na Mei. Sinembargo, e 2200 pilotonan den servicio di KLM no ta contento cu e condicionnan. KLM a bisa cu e negociacion cu e pilotonan awo ta den “un fase dificil.” “KLM no ta realisa con amplio e inkietud aki ta y cu medidanan severo ta necesario pa alivia e presion na trabao,” e carta ta bisa.
“Si KLM no bay di acuerdo cu nos proposicion, e ora nos lo cuminsa cu ponemento di trabao abao, VNV a bisa. KLM a admiti cu e ta tuma e ultimatum di diabierna seriamente, Telegraaf a bisa. Pilotonan Hulandes ta trahando pa Ryanair di Irlanda, a bay den welga diabierna. Tabata tin poco efecto riba e vuelonan di Ryanair for di Eindhoven, pero e welga a daña plannan di mas of menos 55 mil vacacionista.
