Ora cu hendenan tin keho, nan por pasa na Inspeccion di Salud pa entrega un keho oficial. Segun Francis Rugebregt, di e departmento di comunicacion, tin hopi biaha cu hendenan ta keha, pero inoficial, via Facebook, of otro social media of corant. Por yega na Inspeccion di Salud pa entrega un keho. Por haci esaki via telefon, via email of tambe por pasa cerca nan personalmente. Ta importante pa splica e proceso con esey ta bay. Ora cu e keho wordo ricibi, e funcionario di keho ta filter e keho y tin biaha tin hende cu tin pregunta y otro biahanan e ta wak si tin un keho, cu e dokter of specialista mes por resolve.

Inspeccion di Salud kier traha pa e keho wordo resolvi na e luga mes, unda tin e keho. Pero tin biaha tambe tin kehonan cu ta situacionnan mas grave, e ora ta papia di un calamidad. Den e caso ey e ta bay di biaha pa e Inspecteur Gezondheidszorg cu lo pick up e caso y nan mes ta haci e investigacion tambe. Ora di entrega un keho, e ta bay na prome luga na e funcionario di keho, por haci na telefon of pasa personalmente. Email caminda cu por entrega keho ta [email protected].

 

Entregamento di keho

Rugebregt ta sigui splica cu loke ta importante pa agrega, cu nan ta tene un supervision riba e veld, cu e meta pa mehora e sistema di cuido na Aruba. No ta bay tras di e specialista of dokternan personalmente pasobra kier punta dede y bisa cu bo kier echt duna culpa na un dunado di cuido. Ta mas tanto mehora e sistema. Na IVA kier pone e responsabilidad den e veld di cuido tambe, unda nan sa cu nan mester mehora.

Pesey ta importante cu ta trahando riba normanan. IVA kier pa e dokter y specialistanan tin un comision di keho, cu asina nan mes por trata kehonan cu drenta. Esey lo ta primordialmente e pashent cu ta entrega keho cerca e specialista of dokter mes. For di eynan e ora nan tambe por resolve e keho. IVA tambe kier pa nan entrega e keho cerca nan pa tin’e registra. Nan mes no ta bay inhoudelijk den e keho. Nan ta tene supervision con e keho ta wordo trata. Esey ta encera tambe cu ora cu e keho bay cerca e specialista of dokter mes, cu IVA tambe ta wak si nan ta haci e proceso bon, cu e ta wordo trata. Den nan relato di aña tambe lo tin un resumen di e kehonan cu tabata tin y con nan a resolve esaki.