Diaranzon anochi a sosode un atraco arma den Stadionweg na Dakota. Un homber cu ta traha den e area di seguridad a wordo atraca pa un homber. El a yega den un SUV shinishi y a baha cu arma blanco den man.
Cu cuchio den man el a ataka e miembro di seguridad pafo na Cadushi Apartments y asina horta su telefon bay cune. Asina mes tin hende a purba bay tras di e atracador pero den Dakota a perde e SUV for di bista.
Polis a wordo avisa y tabata tey den apenas dos minuut di tempo. A cuminsa atende cu e victima y trata na haya informacion for di dje. Parce camara di seguridad eybanda a logra capta algun imagen di e atraco arma. Unidadnan di Polis riba caya a cuminsa busca mesora pa e SUV shinishi.
