Minister Bikker a laga stop operacion di Coney Island pa 2 dia

Relaciona cu e accidente/incidente di diasabra anochi na Coney Island, Minister di Husticia, mr. Andin Bikker, a instrui Alto Comisario Dolfi Richardson pa stop e operacion di e lugar en cuestion pa 48 ora. Esaki pa duna espacio na DTI pa bolbe haci e controlnan necesario pa cu e seguridad pa e bishitantenan.

E pregunta a ser hasi na KPA con por a duna permiso pa opera e Coney Island menciona y e contesta ta cu KPA a para riba cu tur atraccion mester a wordo controla pa ​DTI prome cu duna permiso pa e habri, locual a causa un tardansa extra pa e por a habri. Ta te ora cu ​KPA a haya un “positief advies” di DTI, cu Polis a permiti esaki habri pa publico. KPA ta sigura pueblo cu lo sigi traha hunto cu otro instancianan pa asina garantiza cu e proceduranan di seguridad ta wordo sigi pa pueblo por ta safe.

Minister di Husticia den comunicacion cu su colega Minister di infrastructura, Otmar Oduber, encarga cu DTI, a tuma e decision y a pone Korpschef na altura.
[1:58 PM, 1/21/2018] Speed Andrade: Danki pa e cooperashon