OM ta bai duna den 2018 mas atenshon na ehekushon di kastigu

68
CMB EAmigo GIF
rbc mobile banking

Ministerio Públiko (OM) Kòrsou ta start e aña aki ku e proyekto “Kumpli Ku e”. Meta di e proyekto “Kumpli Ku Ne” ta pa fortalesé ehekushon di kastigunan. Ministerio Públiko (OM), KPC (Korps Politie Curaçao i SDKK (Sentro di Detenshon i Korekshon Kòrsou) awor a sera kabes pa ehekutá kastigunan ku ta habri di kondenadonan ku te ainda no a sinta nan  kastigu.’

Banco di Caribe

E proyekto ta enfoká riba tur veredikto ku no a keda ehekutá i pa riba término kòrtiku kita e retraso. Ta intenshon tambe pa monitoriá verediktonan resien i pa ehekutá esakinan riba término kòrtiku. Huntu ku SDKK a logra èkstra kapasidat di sel pa sinta e kastigunan aki. Ta konta pa tantu hende hòmber komo hende muhé ku un kastigu ku no a kumpli kuné ainda.
Tin vários kastigu ku te na e momentunan aki no a keda ehekutá. Esaki tin di haber ku diferente faktor. Kondenadonan ku mientrastantu a muda i a bai biba otro kaminda òf tabata riba ‘vrije voeten” na momentu di e sentensia.

Esnan kondena ku mientrastantu a bai biba na Ulanda òf otro parti di Reino, ta bai risibí un yamada (oproep) pa sinta nan kastigu na nan adrès nobo. Pa esaki ya kaba a hasi palabrashonnan konkreto ku e instansianan i paisnan konserní. Nan por spera e yamada pronto. E promé grupo di 10 “vrije-voeters” a risibí mientrastantu nan yamada pa mèldu nan mes boluntariamente na prisòn dia 15 di febrüari 2018. Si no kumpli ku e yamada aki, ta pidi asistensia di polis pa buska e persona en kuestion i kontra su boluntat i entregá e persona na SDKK.

 

Comments

comments

Dragon Fly
Ford 2017 Test Drive