Algo historico cu pa prome bes MDJ ARUBA ta presenta DIASABRA DI MILAGRO y, Predicador Neil Velez lo haci oracion di sanacion y liberacion pa tur esnan presente y lanta speransanan nobo. Unda tin speransa tin bida, unda tin bida tin Spiritu Santo pa spera. Algo grandi ta bai pasa!.
Historia con e comunidad “Los Misioneros De Jesus” a nace
NEIL VELEZ su mama un docente di scol cu, tabata resando dilanti Santisimo hunto cu su 4 yiunan, diripiente den su vision el a mira Hesus ta mustr’e riba 4 hoben y a bis’e, pa yamanan “Misioneros”, y djey Hesus a bis’e habri bo wowonan cu, e solucion ta bo dilanti. Y tabata su cuatro yiunan! E mesun diabierna ey, manera cu el a cobra, dibiaha el a gast’e na instrumentnan, sin conose nada di banda musical, y tabata pa su yiunan bai cuminsa ministra cu musica pa Dios. Ora cu nan a trecenan cas, e muchanan tabata ward’e p’e yega di trabao pa habri nan. Ora el a yega, el bisa nan, cada un coi un instrument y boso cuminsa toca. Niun di nan no tabata sa nada di muziek. Alex e mas atrevido a saca un buki y a cuminsa hasi desordo riba e piano. Despues di 3 siman nan a bai toca den un Capiya, pero nan a haci mas desordo cu toca. Henter e anochi nan a toca un solo cancion di, Alabare. E tempo ey Neil su condicion di salud tabata hopi malo, y no por a participa mucho ni toca su guitara blanco. Actualmente Alex tin e guitara warda como un relikia.Tabata pa un simpel Fe di un mama cu, a tuma e curashi pa lanta e grupo na comienso. Cada crisis Dios ta usa pa su plan. Pero despues e cos a cambia.
Neil ta bisa cu, e ministerio di musica tabata e prome arma cu Dios a duna nan, pero despues tabata e Testimonio di su sanacion, e mensahe di Fe! Pero e hendenan tabata kere cu, t’un grupo di loco nan tabata. Pero dor cu nan tabata conose Neil, e mucha cu tabata muriendo, y awo nan tin sigur di loke nan ta mirando, cu e ta sana, esey tabat’e unico arma cu nan tabatin pa defende nan mes. Pesey Neil ta bisa cu,si bo ta duna enseñansa bo mester tin evidencia di e loke bo ta siña.
NEIL VELEZ ta wordo yama Fundador ya cu, su Testimonio ta otro taki cu a nace for di “Los Misioneros De Jesus”. Pasobra despues cu el a cura, e tabata profundisa mas ainda den e Palabra y predica puro mensahe di Fe. Despues el a discubri cu, e ta bai pone loke e tabata predica den practica, y a cuminsa bai Hospital, lugarnan di prostitucion, y a busca lugar pa e drogaditonan y a pone 80 cama den un lugar y, t’asina e “Retiro Por Sus Llagas” a nace tambe. Y tabatin un lista largo di hende pa bin e retiro dor di e mensahe di Fe. Mas y mas hende tabata yega, pero dor cu nan tabata toca asina duro, nan tabata core cu nan y tambe nan tabata yamanan pa protestant, fanaticonan. Te cu a pone cu e lidernan a frustra di tanto kehonan, y tambe pasobra Neil e unico cos e kier predica ta Fe so,cu tambe a pone e otronan di e grupo desespera. E ora, nan coordinador spiritual Rev. Pastor Josu Iriondo cu e tempo ey no tabata Obispo ainda, a puntra Neil “ma ta kiko bo kier anto?” e ora Neil a contest’e “pa sirbi Dios!”. Y e persecucionnan a sigi dor di e mihor predicadornan. E ora Neil a disidi di sali for di e grupo y a sigi predica Fe. Mas y mas Testimonionan tabata surgi. Tabatin un grupito cu tabata sigui’e pasobra nan tabata ripara cu Neil no tabata papia pa papia. Y tur dia nan tabata saca un Testimonio pa lesa y asin’ey nan tabata provoca e poder di Dios. Neil ta bisa cu, ora nos tin un Testimonio, pa nos conte! Djey Neil tabata kier un Centro, pero hopi di su grupo tabata keha riba dj’e. Te cu riba un Diahuebs di Milager den Sacristi, durante cu Rev. Pastor Iriondo tabata saca e Santo Oleo p’e hunta e enfermonan cu, Neil a mir’e fihamente den su wowonan y a bis’e di versiculo Hac. 14-16 “pa no hunta nan pa nan muri sino pa nan biba” y Pastor a keda manera pensa y djey el a hari pero, el a keda corda riba e palabranan di Neil. Y a cuminsa hunta nan cu uncion pensando pa nan sana. Despues di 3 siman un muhe cu tabatin AIDS, dor cu su casa a peg’e antes di a muri, a bin mustra Pastor un test cu e prueba cu e tabatin AIDS y un otro test cu e no tin nada mas. Aki ta unda Rev. Pastor Iriondo a mira cu oracion haci cu Fe, tin poder! Ta e milagro di e señora aki, cu a cambia Pastor su pensamento tambe. Neil ta conta cu ainda tin hopi persecusionnan. Pero e fruta di Fe a haci cu hopi paisnan rond mundo a habri nan comunidad di MDJ y cu, esaki ta e comienso. Rev. Obispo Iriondo ta stima nan hopi mes y asta tin Obisponan cu, ta trahando pa reconose e comunidad Canonicamente. Neil a siña cu, musica ta pasa bai pero e Palabra ta permanence pa semper. Ta Dios su plan y pa E habri caminda pa nos desaroya nos soñonan. Y Dios ta Esun cu ta usa hende pa cumpli cu su plannan..
Diasabra 16 di September 2017 Misioneros De Jesus” tin un magno evento Diasabra di Milager cu e tema “Crusando bo Desierto” na Club Caiquetio, Paradera cuminsando for di 7’or di anochi te cu 11’or di anochi. Dios ta omnipotente E ta manifesta unda cu nos ta. Nos tur ta bai ricibi loke Dios kier duna nos y nos ta bai haya nos sanacion y milagernan. Ta bo Fe Dios tin mester, pa bo mira e Gloria di Dios. Ta nos Fe ta move e mannan di Dios. Y Fe ta necesario pa Dios por haci’e. E ambiente di Fe a wordo crea caba pa e ayunonan, oracionnan y confesionnan y, asistencianan na Misanan pa e misioneronan rond mundo.
16 September Algo ta bai pasa!! Y bisa:
“Mi ta declara mi milager….den nomber di Cristo Hesus!
“Hesucristo ta mesun Cristo ayera, awe y den eternidad” Heb 13.8
