Algo cu sigur ta hopi lamentabel cu tin hende ora cu nan haya trabao, nan ta abusa di esaki. Esey ta loke a pasa cu dos cabayero, kendenan, pa colmo trahando pa DOW, haciendo canto di caminda limpi, ganando un salario, ta opta pa bay horta na cas di hende.
Tabata un show completo ora cu e dos personanan aki a wordo gara cu man den mansa awe merdia, den careda di 1’or y 45 den cura di Arucar. E dos personanan aki, e dia anterior a bay horta na cas di hende. Pero nan no sa cu nan tabata wordo gecoup. Nan ta pasa controla den un auto y ora cu nan ripara cu no tin hende na cas, nan ta uza un pick up pa comete ladronicia. Awe a sosode mesun cos, pero cu menos suerte pa e dos ladronnan aki. Nan a para controla cu un auto particular cu sticker di un partido politico pega y cu e pickup, cu tambe sticker di e mesun partido politico a drenta den cura di Arucar pa nan drenta horta. Pero aki nan wega a hunga. Nan a wordo filma. Un di e hefenan a lock e porta dilanti y pa sigura cu nan no lo huy, a pone un auto pa asina evita pasada. Polis naturalmente tabata na e sitio pa asina aresta e dos wiseguynan aki y despues hibanan warda pa nan duna cuenta di loke nan a haci.
