Polis a wordo manda dialuna atardi na Aqua Windie’s. Eynan a drenta informacion cu a gara camara scondi den kleedkamer. Ora cu e polisnan a yega y atende e asistencia a resulta cu ta un menor a wordo gara. E menor di 12 aña a wordo atrapa ta graba e muchanan muhernan cambiando paña den kleedkamer. Ta un mucha homer di 12 aña. Nan a wanta e mucha homber. Polisnan cu a bay na e sitio a notifica central di Polis pa manda Jeugd en Zeden Politie. E motibo di esaki ta cu e ta un menor.
No ta conoci cuanto cos el a graba durante cu e muchanan muhernan tabata cambia paña den kleedkamer. E lugar aki nan ta duna les di landamento. Pesey tin un tipo di kleedkamer pa esnan cu ta bin les por cambia paña. Probablemente e menor lo haya un scual basta pisa pa su actuacion. Con hopi y kiko exactamente el a logra graba no ta conoci. Na prome instante a kere cu ta camara tabata tin scondi intencionalmente den e negoshi. Despues a resulta cu esey no tabata e caso pero mas bien un menor tabata graba scondi y el a wordo descubri.
