Na aeropuerto personal di Douane ta bolbe haci un catch. E biaha aki ta riba un Arubiano cu basta placa. E Arubiano a yega for di Merca y tabata tin e placa scondi den su maleta. E no a declara e placa. Si bo tin mas cu 10 Mil Dollar, mester declara esaki y hustifica di unda e suma ta bin. Den e caso aki e suma ta core riba 30 Mil dollar y e tabata scondi den e maleta. Personal di Douane a haci e catch y sigui cu e investigacion. E Arubiano no tabata su so. E tabata acompaña pa un dama. Despues di e descubrimento y prome fase di interogacion, a sigui mesora na avisa autoridad di Afpak Team. Nan a presenta y bay over na detencion tambe. E sospechoso Arubiano a wordo hiba warda unda lo sigui cu e investigacion pa mira di unda e suma cuantioso di dollar cu kier a drenta cune ta procedente.
