Diabierna atardi a tuma lugar e parada di scol Cadushi Largo. Un parada hopi bunita caminda hopi scol di Santa Cruz y vecindario a participa y asina laga e muchanan jump y gosa di e temporada di carnaval. E aña aki en total di seis scol a participa den e parada cu nan muchanan y cada un a escohe nan tema cu nan a bay cune. Tin cu a bay entre otro di Super Heroes, di Emoji’s, tin cu a bai cu custumenan di carnaval y asina hopi otro mas. Muchanan a gosa riba e caminda di Cadushi Largo bay ariba direccion pa Sport Boys. Aki tambe mayornan, famia y amigonan a yega hunto pa asina sinta na banda wak e parada y gosa cu e muchanan. E musica mes a keda pa cada scol cu a bin cu nan DJ cu nan trailer chikito pa asina e chikitinnan por a baila y gosa di e parada.
