Minister di Enseñansa Rudy Lampe tabata na Pieterboer Kleuterschool. A topa cu e cabesante di e scol, sra. Sonia Gerardus-Goedhoop.
El a sigui splica cu e bishita aki ta den cuadro di e luto practicamente nacional cu ta pasando aden pa e perdida di e bida di un criatura inocente y a combersa cu juffrouw Goedhoop y e y full su team tambe a wordo hopi afecta pa e situacion aki y loke a papia ta cu e sacrificio, si yam’e asina aki di e bida di e mucha inocente aki pa e no keda eynan. e no por ta asina aki cu despues tin asina hopi atencion pa e problema di abuso di mucha den nos comunidad, cu despues e siguiente dia nos tur ta sigui cu nos bida normal y ta lubida y nada no a pasa.
Segun e mandatario,e sey ta e mensahe di juffrouw Goedhoop y di su team na ministerio di enseñansa cu mester bin cu un plan di accion pa loke ta e problematica aki di nos comunidad y esey ta e compromiso tambe, cu e sacrificio di e bida aki no por ta en bano. E no por ta algo cu despues tur ta lubida. E mester resulta den medidanan, den accionnan pa preveni situacionnan asina aki y pa atende cu casonan asina. Juffrouw Goedhoop y su team, awo emocionalmente ta hopi afecta den caso aki, pero a brainstorm caba. Lo bay recoge di parti di e team aki, pero tambe di otro profesionalnan cu ta trahando den enseñansa, ya nan ta mandando tips, conseho, cu ta bay reuni tur esaki pa haci un follow up riba e caso lamentabel aki. Un tragedia humano cu, manera cu e minister a bisa e cabesante, no ta compronde tin biaha pakico cos ta pasa. Ni maske cuanto kibra nos cabes, no tin un contesta, e pakico. Pero si tin cu mustra solidaridad. Solidaridad cu esnan cu a keda atras y solidaridad cu tur nos muchanan di Aruba pa evita casonan lamentabel asina.
Departamentonan
Minister Lampe a sigui splica cu na e momentonan aki no mester busca un culpabel y riba esey tin cu bay traha pa na prome luga, pa bin cu un training pa e profesionalnan pa asina nan tin e toolsnan pa señala cu tin di haber cu un caso di abuso. Tambe e di dos punto ta cu mester bay coordina pa tin un meldpunt. Pesey tabata tey cu diferente instancia, leerplicht entre otro. Tin un ley di leerplicht, pero el a keda practicamente un ley morto, pasobra no tin sancion, no tin e condicionnan na su luga pa por ehecuta e ley aki. Esey den e siman aki tambe tin representantenan di leerplicht na presente. Lo sigui den reunion pasobra corectamente esey ta loke tin cu bay wordo remedia.
E demas instancianan
DPS ta representa leerplicht. Nan tin trahadonan social cu ta esnan cu una bes cu ricibi e señalnan aki, mester a haci un followup y traha cu e mucha y mayornan. Tin directie onderwijs, cu mester ta parti tambe di esaki. Ta bay reuni mañan cu sindicato Simar, cu ta representa interes di tur e maestronan. Kiermen eseynan ta e diferente stakeholdernan, e bureau di e diferente directrivanan di scol, cu tur awor aki mester uni den e mesun direccion pa bisa Aruba, no ta tolera abuso di mucha.
