E hecho cu como Minister di Deporte, Dangui Oduber tin poder limita den e fundacionnan a indigne masha awe y e no a sconde su descontento tampoco durante un conferencia di prensa awetardi. No ta bay solamente pa Fundacion Lotto pa Deporte, sino tambe pa otro fundacionnan.
E titular di deporte a anuncia awe cu e directiva di Fundacion Facilidadnan Deportivo y e directiva di e fundacion cu ta maneha e piscina olimpico tambe ta nenga di cede nan funcion den directiva. Ta parce cu ey tambe lo sigui casonan den Corte pa Gobierno por nombra su hendenan di confiansa. Pero segun Minister Oduber, e asunto aki ta demostra cu “Deporte a para bira un cartel na Aruba”.