Minister Glenbert Croes, durante di un actividad na MFA na Savaneta, a comenta cu nan a yega oficina di Gobierno cu Hopi animo, realisando cu tin tareanan grandi nan dilanti. Si nan a desea pa tin e oficina di gobierno den miho estado, pero pa cuminsa opera e ta dificil. Realidad ta cu mester cuminsa traha, pasobra e retonan nan dilanti ta grandi, en particular e areanan cu ta den su responsabilidad, como ministerio di Asuntonan Social y Labor. E problemanan den nos pais, den nos barionan, den nos famia y hogarnan, problemanan social ta grandi y den e sentido ey, Croes ta sumamente contento cu e por a haya e ministerio di Asuntonan Social y Labor hunto, pasobra e area laboral, pone hende na trabao ta bay ta un di e armanan grandi cu lo bay tin pa saca hendenan, personanan hoben for di nan problemanan social y pone nan na trabao. Den e sentido ey Croes ta sumamente contento di e combinacion di e carteranan cu e tin. Claro ta bay traha den un forma interconecta integral den un esfuerso, hunto cu su colega Rudy Lampe di enseñansa, hunto cu Andin Bikker, como minister di Husticia. Hunto cu minister Oduber pa e tema di vivienda social, apesar cu e aspectonan social tambe ta cay bao di Croes. Pero e tema di salud tambe, unda cu minister Dangui Oduber ta forma parti di dje.
Den cuadro di esey, minister presidente, pa tin e responsabilidad pa pone e prioridadnan cu a bisa cu ta pone. Den e programa di Gobernacion, a bisa cu ta pone e ser humano central, a bisa cu lo bay combati pobresa, a bisa cu lo combati hamber. A bisa cu ta bay percura pa mehora e calidad di trabao pa tur hende. Kiermen esaki ta e momento pa cumpli awo.
Conseho di minister
Minister Croes a splica cu dialuna a defini riba e dianan cu conseho di minister lo reuni. Na comienso semper mester tene varios conseho di minister. Diamars lo tin un otro. E conseho di ministernan semanal lo bay ta riba diamars y diabierna. Semper lo bay tin reunionnan di emergencia, mirando e situacionnan cu ta pasando aden. Pero ta humildemente honra cu e oportunidad cu e tin pa ta minister di asuntonan social y di labor pa nos pueblo. Lo e haci lo maximo. E ta yame un Ministerio di Pueblo, pasobra tin e problemanan di mas grave social di nos comunidad pa atende cun’e. Alabes tin e instrumento di labor, unda cu tin cu percura pa duna tur hende e oportunidad pa nan para riba nan propio pia, percura pa nan haya un trabao, unda nan no solamente trata bon, sino paga bon. Esey ta e compromiso cu henter Aruba.
E situacion
Problemanan na Aruba ta grandi. Door cu e problemanan social ta asina grandi, nan kier Gobierno yuda nan cu un solucion y como Gobierno, ta un gobierno di y pa pueblo. MEP ta un partido di pueblo y partido di trahado, social democrata. Unda cu e ser humano ta fundamental pa atende cun’e. Croes ta minister di asuntonan social y e mester ta un di e promenan pa percura pa ta un di e miho trahadonan social cu tin, como minister di asuntonan social. Un trahado social e mester ta. E campaña cu a cuminsa pa eleccion, awo e bishitanan di cas ta bay sigui como minister, trahado social. Pasobra bo mester no laga e problemanan explota. Ta uza semper e ehempel di e boiler di WEB. Nan ta bin cu un excusa perfecto cu boiler a remeta, ta bisa ta split tube. No ban laga e problemanan bay for di man. Laga nos interveni na tempo. Laga nos preveni mas cu por. E unico manera ta pa tin un presencia continuamente den e bishitanan di cas, papia cu tur e famianan. Bishita nan den tur bario, tur skina na Aruba, pa mira den un forma tempran pa ora cu cos bay for di man, nos yora malay, nos no kier yega
