Minister Dangui Oduber a comenta cu a papia riba kico ta e decision cu gobierno a tuma pa no sigui cu e patrocinio di Team Aruba pa loke ta trata ATA, cu tabata duna un suma hopi cuantioso di casi 300 mil florin.
Den e peticion e tempo ey di Team Aruba tabata pa compra di un auto nobo. A bisa cu si en caso, normalmente tur ciudadano cu kier cumpra un auto nobo, bo ta bay un banco. Bo no ta bay ATA, pidi financiamento pa cumpra un auto nobo.
Los di esey, a bisa cu tin argumentonan p’akico no a prolonga e patrocinio.
AAA
Pa loke ta trata AAA, esaki lo ta e ultimo aña cu nan ta duna e patrocinio na Team Aruba, cual ta un suma masha limita cu si bo compar’e cu ATA, ta casi 15 biaha menos di loke ATA ta contribui. Si tur cos ta bon, esaki lo wordo finalisa otro aña pasobra nan tabata antes man den man. Ora ATA ta sponsor, AAA ta sponsor. AAA a yega di contesta cu na momento cu ATA no ta sponsor mas, nan tampoco no lo bay sigui sponsor, pasobra nan no ta encarga cu e mercadeo di Turismo. Ta ATA ta esun cu ta encarga cu e mercadeo di pais Aruba.
Na momento cu e marketing agency no ta sponsor algo mas, dificilmente abo como AAA por sigui hustifica cu abo si por sigui sponsor e auto di Team Aruba.
