Minister Andin Bikker durante conferencia di prensa a splica riba e caso di empleadonan publico cu ta envolvi den un caso.
Aki a referi tambe riba e caso unda un Polis a dal un hoben cu a subi caya sin paga tino. El a duna su opinion riba e caso mirando e sentencia. Tin procesonan cu mester cana tambe segun e mandatario pero DRH mester mira si esaki ta factible.
E minister a menciona cu no ta su custumber pa bay riba casonan individual. Tur ministerio, ora ta trata casonan di ambtenaar, nan ta depende riba un instituto cu yama DRH. DRH ta esun cu tin e institutionele geheugen cu ta atende cu tur dossier di tur ambtenaar. Ora cu a presenta den e caso individual aki un hecho hopi substancial nobo, ta cu e persona a wordo condena den corte, cu e ora ey di biaha, inmediatamente, a pidi e ora DRH pa mira, a base di e circunstancianan nobo aki, kico ta e straf disciplinario cu ta wordo impone. A scucha e expresionnan den comunidad cu nan ta haya, cu e straf cu a wordo imponi anteriormente ta hopi abao. Awo cu a bin e hecho palpabel nobo, den un corte independiente a considera e persona aki como culpabel, e ora a pidi DRH pa duna conseho. Awor aki ta trahando riba esaki y ta en espera di e conseho aki. Segun e minister, e mester a biaha pa Boneiro pa e por a participa den e JVO, cual tabata den un embergadura hopi grandi. Awor aki cu e tey bek y lo bay atende diligentemente cu e caso specifico aki.
El a duna su indicacion. Ta hopi casonan individual tin cu pasonan disciplinario a wordo tuma. Opinion di e minister ta den e caso aki cu un persona asina aki lo mester haya e paso disciplinario maximo. Pero e proceso den gobierno ta cu DRH ta conseha pa wak con leu por bay pasobra tin procesonan cu ta anda tambe. Bikker a duna su indicacion di su opinion personal, pero DRH mester duna su conseho pa wak si nan ta haya esaki algo factibel.
