Andin Bikker reuniendo cu coleganan di Reino

Minister di Husticia, Siguridad y Integracion, mr. Andin Bikker actualmente ta cu un delegacion di Aruba na Corsou pa atende e  asina yama “Justitieel Vierpartijenoverleg” (JVO). Durante e siman aki e Ministernan di Husticia lo trata temanan di cooperacion hopi interesante riba tereno di husticia.

Ta trata referente RST, Kustwacht, pero tambe posibel institucion pa un Academia di ley pa train mas hurista den tecnica di traha ley y e Centraal Testamentenregister.

Otro topico manera “high impact crimes”, criminalidad cu ta crusa frontera y combatimento di terorismo tambe e mandatarionan lo duna atencion na dje. E tema di Institutonan Correccional nobo y duradero no lo falta durante e reunion aki.

Cu tur e temanan aki, sigur ta bay tin e posibilidad di un cooperacion di trabou entre Ministernan di Husticia.

E Delegacion di Aruba ta consisti di entre otro Procurador General y e Hoofdofficier, Director di Directie Wetgeving, Hoofdcommissaris Dolfi Richardson y demas conseheronan experto riba temanan cu ta trata durante Justitieel Vierpartijenoverleg.

E reunion a cuminsa dialuna 15 di januari y lo dura te cu diaranson 17 di januari. Durante e reunion aki Minister Bikker lo cera conoci cu coleganan Minister di Husticia di tanto Hulanda, Corsou como tambe di Sint Maarten.