Minguel Schneiders condena na 12 aña di prizon

3097
rbc mobile banking

Tabata diadomingo 21 di mei 2017 cu a tuma luga un otro caso di tiramento pafo di De Olde Molen, den cual un hoben a perde su bida. Awe Corte den Prome Instante a condena e asesino na 12 aña di prizon. E castigo ta un poco menos di locual Fiscal di Ministerio Publico a demanda. Husticia kier a cera e criminal pa 14 aña largo, pero Hues a dicidi di conden’e na 12 aña, pa cual na December 2025 e lo por recobra su libertad bek, si e comporta su mes di forma adecua.

Banco di Caribe

Mester menciona cu riba dia di e tiramento, testigonan a señala na Polis kende a tira e victima. Pero Polis a purba di tur forma pa yega na dje, pero sin exito. E mes a entrega su mes 8 dia despues na Warda di Polis.

E asesino ta Erick Arturo Minguel Junior SCHNEIDERS, conoci of yama “Minguel”. E ta naci na Aruba dia 29 di december 1994 y prome cu a cay cera tabata biba na Meiveld 33 y/of Piedra Plat 54-A, na Aruba. A acusa e sospechoso den terminologia hudicial pa overtreding van de artikel 2:262 c.q. 2:259 van het Wetboek van Strafrecht van Aruba en art. 3 Vuurwapenverordening.

E victima tabata Ralph de Palm, naci na Haiti, di 26 aña di edad y tabata biba den Blenchistraat na Simeon Antonio. Kico tabata motibo pa a tire no ta conoci. Tampoco sa ainda si e acusado lo apela e sentencia di Corte den Prome Instancia cu a condena na 12 aña di prizon pa asesinato.

Comments

comments

Dragon Fly