Mike Eman: Muchanan boso mini cancha deportivo a yega

0
50

FCCA ta di acuerdo cu e vision di Gabinete Mike Eman pa mehora calidad di bida di ciudadanonan di Aruba, tambe di clientenan di e Fundacion. Prueba di esaki ta e proyecto di cancha deportivo cu ta wordo construi na Cura Cabay Zuid, y cu ta encera un mini cancha di futbol di yerba artificial.

Banco di Caribe
Wendys
WEB

Edwin Tromp, director di FCCA tabata e prome pa hiba palabra y a bisa cu e fundacion a inverti un poco mas di 300 mil florin pa realisa e proyecto di “street soccer field”, “cu ta algo palabra for di final di aña pasa cu Gobierno. Nos ta cumpli cune manera mester ta.”  E proyecto ta wordo construi door di Eljo Construction & Real Estate, cu a cuminsa cu e trabounan dia 10 di juli y aunke e plan ta pa entrega e proyecto aki dia 7 di november, tur cos ta indica cu e trabounan ta avansa y probablemente por entrega esaki prome cu e fecha stipula. El a splica cu e tereno ta encera tambe un “mini track field”  y “walking field”, combina cu diferente aparato di sport y ehercicio. “Esaki sigur ta un adkisicion bon pa e  bario y hasta pa publico en general. E cosnan aki semper ta motiva e ciudadanonan y mi ta pidi boso pa corda cuide.”

Mini canchanan deportivo, e relacionista publico di FCCA Franklin Leest a bisa, ta baby di Prome Minister Mike Eman. Pesey e mandatario a expresa su gradicimento na tur e empleadonan di FCCA cu ta yuda realisa e proyectonan aki, principalmente sr. Jose Paula kende ta pone un enfasis importante den e trabounan aki pa mehoracion di calidad di bida den e barionan di FCCA. “Habitantenan di Cura Cabay zuid, principalmente muchanan, e veld a yega,” Prome Minister Eman a bisa na inicio di su discurso. “Nos tin algun aña caba ta papia di e necesidad pa, specificamente Cura Cabay Zuid, haya tambe un luga di recreo pa e hobennan. Awe e proyecto cu nos ta realisa aki no ta solamente un veld di recreo pa e hobennan, pero tambe pa hendenan grandi ya cu rond di e veld tin un “track & field” di casi 200 meter, pa yuda mehora e salud. Un dia grandi pa e muchanan y e bario.  Esaki ta parti di un vision cu nos tin tambe pa henter Aruba. Rond Aruba nos ta desaroyando e tipo di canchanan aki,” e mandatario a bisa.

Comments

comments