Frakshon di MFK a entregá awe na Parlamentu un inisiativa di Lei pa modifiká e Areglo di Lei di Kontrolaria General. E modifikashon ke logra di hasi posibel ku Kontrolaria General ta investigá asosiashonnan anónimo di gobièrnu, meskos ku UTS, Selikor i Aqualectra.
Sinembargo no esei so; e modifikashon mester kreá e posibilidat ku Kontrolaria General ta investigá tur persona hurïdiko asosiashonnan anónimo personal i persona natural, ku ta gosa na un òf otro manera di bentahanan speshal di parti di gobièrnu ku ta regardá kaha di gobièrnu. Eseinan por ta por ehèmpel supsidionan òf bentahanan di impuesto. Banda di esei e motibu ta pa Kontrolaria General tin e posibilidat pa hasi investigashon serka personanan hurïdiko ku ta enkargá ku un tarea hurïdiko i ta haña nan ingreso kompletamente òf parsial for di rekargo legal. Aki lo por pensa riba “Bureau Telecommunicatie” i “Post”, pero tambe riba Banku Sentral di Curaçao i Sint Maarten.
Finalmente lo por ta posibel tambe di inkluï e partisipashon di gobièrnu den akuerdonan di koperashon. E kompetensianan di Kontrolaria General mester ta semper relashoná segun e proposishon ku e obligashon di informá na e minister konsernï. E informashon ta atmisibel pa Kontrolaria General i esei por disidï a base di esei pa un investigashon avansá den un siertu organisashon. Pa e asosiashonnan anónimo den kua gobièrnu no tin e mayoria di e akshonnan e outorisashon di investigashon ta minimal, pa asosiashonnan anónimo den kua gobièrnu tin mayoria di e akshonnan e outorisashon di investigashon en prinsipio no ta limitá. Si tin nesesidat di mas investigashon, Kontrolaria General mes ta disidí, pero e investigashon semper mester ta dirigí na e manera ku e minister konserní òf e Konseho di Mimisternan ta interpretá e status di akshonista , i e maneho hiba tokante di duna supsidionan i otro asuntunan i e supervishon di e minister riba gastamentu di esei.
Kontrolaria General ta raportá segun e proposishon e resultadonan di investigashon na e manera akostumbrá na gobiêrnu i Parlamentu. Aki ta konta, ku tokante di datosnan i resultadonan ku tin un karakter konfidenshal, Kontrolaria General lo no hasi un partisipashon públiko. Informashonnan na gobièrnu i Parlamentu lo keda hasi den e kaso ei a base di informashon konfidenshal. Según e frakshon e mofodifikashon proponé ta nesesario pasombra mester menshoná ku e situashon serka kompanianan ku no ta direktamente afiliá ku e organisashon di gobièrnu ta di sumo importansia pa e situashon finansiero di e País mes. E aktual legislashon no ta atendé un outorisashon di investigashon dirigï riba esei dor di Kontrolaria General.
