Meteo: Por spera poco awasero den fin di siman

Diahuebs atardi, Servicio Meteorologico (Meteo) a emiti un boletin cu nan pronostico di tempo valido pa e weekend aki di Carnaval 64. Diahuebs anochi shelo lo ta levemente te parcialmente nubla cu chens pa un awasero pasahero. Diabierna marduga tambe shelo lo ta parcialmente nubla cu un chens pa poco awasero.

Biento:
Biento lo ta modera te basta fuerte for di generalmente direccion oost cu forsa 4 te 5 (20 te 39 km/ora, 11 te 21 nudo). Den dia basta fuerte den rafaga cu forsa 6 te 7 (40 te 61 km/ora, 22 te 33 nudo)

Situacion general di tempo:
Humedad persistente den atmosfera regional lo ocasiona de bes en cuando mas nubia riba e isla den proximo 24 ora. Principalmente den oranan di marduga y mainta por spera un awasero pasahero.
Condicion di lama:
Olanan di lama lo ta for di direccion oost- noordoost cu haltura di 5 te 8 pia; e olanan di mas halto lo ta na costa noord te Noordwest di e isla caminda esakinan por yega te 9 pia. Ta pidi usuarionan di boto chikito pa bay cu cautela ribalama grandi.

Pronostico pa fin di siman di Carnaval:
Shelo lo ta levemente te parcialmente nubla cu posibilidad pa poco awasero pasahero. Biento lo ta for di direccion generalmente oost y modera te basta fuerte, den dia fuerte te duro den rafaga. Temperatura max / min lo ta: 31/26