Den careda di 10'or di diamars anochi, patruya di strandpolitie a ser manda na Riu Palace, caminda lo tabata tin un bringamento den e casino. Na yegada di patruya nan a topa cu un homber Mericano basta bebi, kende tabata bringando cu un homber Arubiano.
Aparentemente e Mericano lo a manda un boter riba e Arubiano, cu consecuentemente a corta su man. Polis a bay atende mesora cu e Mericano, kende a conta cu e homber Arubiano tabata tira palabranan di insulto den su direccion. E Mericano su cana a yena y a tuma ley den su man. Polis a detene e Mericano, mirando cu e tabata bao di influencia di
alcohol y tabata tira boter den e luga. Polis a pidi dogcatcher pa asina transporta e sospechoso pa warda di Playa. Polis a papia cu e Arubiano y a hala su atencion cu loke el a haci no ta manera tampoco.
